El compromisu de la Universidá d'Uviéu cola sociedá llega a tolos ámbitos y ye especialmente estrechu con aquellos colectivos más desfavorecíos. Por ello, l'Espaciu Solidariu de la institución académica impulsa múltiples iniciatives pa que la formación puramente académica vese complementada por una educación en valores cívicos, solidarios y d'igualdá.
L'Espaciu Solidariu, tuteláu pol Vicerrectorado d'Estudiantes y pol Vicerrectorado de Relaciones Institucionales y Coordinación, ye un puntu d'alcuentru pal desarrollu d'iniciatives relacionaes directamente cola responsabilidá social universitaria.
Una de les actuaciones más destacaes ye'l programa de voluntariáu en colaboración con distintes organizaciones sociales. La participación nesta iniciativa supón una reconocencia oficial de creitos pa los estudiantes que participen.
La Universidá d'Uviéu punxo en marcha un programa de voluntariáu n'organizaciones sociales qu'otorga a los estudiantes una reconocencia oficial de creitos nos sos estudios.
La sensibilización dientro y fuera de los campus universitarios ye otra de les xeres que se desenvuelven dientro del Espaciu Solidariu. A lo llargo del añu organicen cursos, talleres y esposiciones encaminaes a llograr una mayor concienciación ente la comunidá universitaria.
En setiembre de 2008, la Universidá d'Uviéu foi inscrita nel Rexistru d'Entidaes de Voluntariáu, y resultó escoyida pa formar parte del Conseyu de Voluntariáu del Principáu d'Asturies, onde la so constitución tuvo cabida’l 27 de payares de 2009.
Actividaes d'apoyu a colectivos desfavorecíos
L'Espaciu Solidariu de la Universidá d'Uviéu lleva a cabu diverses actividaes de sensibilización y apoyu a persones y colectivos desfavorecidos, tanto dientro como fuera de los distintos campus universitarios. La colaboración con distintes organizaciones sociales y instituciones ye constante pa llevar alantre esti tipu d'iniciatives.
Dende l'Espaciu Solidariu desarróllense acciones pa promover la igualdá de xéneru, la participación en programes de responsabilidá social y voluntariáu o la sensibilización medioambiental. Tamién s'impulsa l'alderique sobre cuestiones estratéxiques en foros sobre discapacidá o alcuentros como les Xornaes d'Educación al Desarrollu.
Los campus de la Universidá d'Uviéu son escenariu tamién de la campaña de Donación de Sangre, el mercadín de comerciu xustu o los cursos d'alfabetización d'inmigrantes. L'apoyu a les persones mayores tamién recibe una atención especial al traviés del programa Conviviendo y compartiendo, una interesante iniciativa que pon en contactu a mozos con escasos recursos que precisen agospiu y mayores de 65 años que viven solos.
Dalgunes d'estes actividaes fáense en colaboración con entidaes y asociaciones dedicaes a la cooperación en diversos ámbitos (Ayuda n'Acción, Fundación FAEDIS, Asociación d'Estudiantes de Medicina IFMSA, Asociación Cultural Iberoamericana Gacela, Fundación CAUCE, ACCEM-Asturies), o nel marcu de campañes de calter global (Muévete pola Igualdá, Día Mundial del Comerciu Xustu, Día Mundial ensin Tabacu, Plan de Drogues, etc.)
Cursos
- Información de los cursos (Pendiente de actualizar)
Voluntariáu pola solidaridá, la xusticia y l'igualdá
El Programa de Voluntariáu pa los estudiantes de grau inscríbese dientro de les iniciatives d'Espaciu Solidariu de la Universidá d'Uviéu y el so compromisu cola sociedá asturiana y col fomentu de los valores de solidaridá, xusticia y igualdá.
Los alumnos que faen llabores voluntarios n'organizaciones van poder reconocer esti trabayu con creitos optativos nos sos estudios de grau. Los requisitos necesarios pa solicitar la convalidación de creitos recuéyense nos Estatutos de la mesma Universidá d'Uviéu y nel Estatutu del Estudiante: l'alumnu va poder reconocer dende 1 creitu (por cada 25 hores de dedicación) hasta 6 creitos ECTS, mientres los sos estudios de Grau (con un máximu de 3 ECTS por cursu académicu).
Pa dicha reconocencia va ser necesariu un informe de la persona que tutele esi voluntariáu na organización y otru informe del vicerrector d'Estudiantes.
Pa ser voluntariu de la Universidá d'Uviéu l'únicu requisitu ye tar dispuestu a dedicar dalgo del tiempu en beneficiu de dalgún llabor social.
Pa ser voluntariu de la Universidá d'Uviéu l'únicu requisitu ye tar dispuestu a dedicar dalgo del tiempu d'ociu pa emplegalu en beneficiu de dalgún llabor social. Ente estes iniciatives tán les siguientes:
- Atención de persones mayores dependientes o enfermes.
- Apoyu escolar a menores en riesgu d'esclusión.
- Creación de redes sociales que favoreza la integración social de determinaos colectivos.
- Participación en programes de prevención de drogodependencies.
- Apoyu sanitariu a persones en riesgu d'esclusión y a los segmentos de la población más desprotexíos.
- Colaboración en xeres d'acompañamientu y sofitu a persones con discapacidá.
- Apoyu a inmigrantes n'iniciatives d'alfabetización y educación.
- Desarrollu de proyectos solidarios propuestos por cualesquier miembru de la comunidá universitaria, asociaciones d'estudiantes y ONGs.
Corréu electrónicu: espaciosolidario@uniovi.es
Documentos relacionaos
