La Universidá d’Uviéu proporciona a los sos usuarios unes credenciales que pueden ser utilizades p’acceder a distintos servicios. Ente estos servicios alcuéntrense los que vienen a continuación:

• Correu electrónicu corporativu.
• Serviciu de directoriu / páxines blanques.
• Campus virtual corporativu.
• Servicios académicos pa estudiantes y profesores.
• Rede inalámbrica corporativa (wifi).
• Serviciu de software corporativu.
• Accesu remotu a la rede corporativa.

La utilización d’estos servicios tien de facese de forma responsable, con respecto a la llexislación en vigor y a les normes de regulación interna. Ente estes normes alcuéntrase la Norma de seguridá de la información respecto a la utilización de recursos informáticos y de comunicaciones, aprobada pol Conseyu de Gobiernu de la Universidá d’Uviéu en fecha 22 d’avientu de 2015.

Les credenciales consisten nun nome d’usuariu que s’acompaña d’una contraseña. Tienen de considerase de calter secretu, personal y intransferible, y ye responsabilidá de cada usuariu la so custodia y actualización, así como toes aquelles actividaes llevaes a cabu con estes credenciales. Les contraseñes tán suxetes a la siguiente política de contraseñes.

DESTACAO

Les cuentes de los usuarios de la Universidá créense de forma automática dende los distintos sistemes de xestión d'Alumnos y Personal de la Universidá, por cuenta de lo cual ye posible que la cuenta tarde unes hores en tar activa.

Por motivos de seguridá, la contraseña que se suministra a los usuarios per primer vez tien de ser modificada antes de poder acceder a los servicios corporativos. Pa cambiar la contraseña los usuarios deben usar la opción "Cambiar contraseña" na páxina web https://sies.uniovi.es/paginasblancas. La modificación de la contraseña tien de ser rexistrada en distintos sistemes, polo que dalgunos servicios pueden tardar unos minutos en tar disponibles.

Les cuentes de corréu actívanse de forma esplícita polos usuarios dende la Intranet corporativa. Si quier activar la so cuenta, acceda a la Intranet dende'l portal de la Universidá, vaya al serviciu de Corréu Corporativu pa ver les condiciones nes que s'empresta'l serviciu y active la so cuenta de corréu.

Respuestes a preguntes frecuentes

Nun tengo usuariu y contraseña, solamente me proporcionaron un PIN

• En dellos procesos de xestión académica xenérense unes credenciales temporales que consisten nel DNI del usuariu y un PIN que lu acompaña. Estes credenciales temporales solo dexen acceder a servicios bien concretos, normalmente en xestiones previes a la matrícula. Una vez que se formalice esta matrícula van apurríse-y les sos credenciales definitives.
• Si usté desea modificar el so PIN o lu perdió, y proporcionó una dirección de corréu electrónicu alternativa a lo llargo del procesu que xeneró’l so PIN, ye posible que pueda obtener unu nuevu directamente dende la páxina https://sies.uniovi.es/restaurarclave. Si nun pudo restaurar el so PIN, tien de personase na alministración de dalgún Campus Universitariu pa que-y proporcionen unu nuevu. Esti trámite nun se puede facer a distancia porque ye necesario verificar la so identidá.

Soi un usuariu nuevu y nun furrulen les mios credenciales

• Ye posible que la so cuenta d'usuariu nun se creara tovía. Les cuentes créense de forma automática dende los sistemes de xestión. Cuando se crea una cuenta la información tien d'propagase a distintos sistemes y esti procesu tarda en completase. Espere unes hores y vuelva intentar l'accesu.
• Ye posible que nun se modificara la contraseña que se-y suministró. La primer contraseña que se proporciona a los usuarios tien que ser modificada obligatoriamente por motivos de seguridá. Pa modificar la contraseña use la opción "Cambiar contraseña" na páxina web https://sies.uniovi.es/paginasblancas. La propagación del cambéu de contraseña puede tardar unes hores en facese. Sía paciente.

Perdí la mio contraseña o nun la recuerdo

• Si usté ye estudiante matriculáu na Universidá y proporcionó una dirección de corréu lletrónicu alternativa durante la matrícula, puede intentar restablecer la clave directamente dende la páxina https://sies.uniovi.es/restaurarclave.
• Si usté ye estudiante y nun puede restaurar la contraseña utilizando el métodu anterior, ha personase na administración de dalgún Campus Universitariu pa que-y proporcionen unes credenciales nueves. Esti trámite nun se puede facer a distancia porque ye necesario verificar la so identidá.
• Si usté ye un profesor o investigador adscritu a un departamentu, ha dirixise en persona a l’alministración del mesmu pa que-y restauren la contraseña. Esti trámite nun se puede facer a distancia porque ye necesario verificar la so identidá.
• Si usté forma parte del personal d’alministración y servicios, ha dirixise al Serviciu de Xestión de Personal y solicitar que restauren la so contraseña. Esti trámite nun se puede facer a distancia porque ye necesario verificar la so identidá.

Deseo modificar la mio contraseña

• De forma xeneral, tolos usuarios pueden modificar la so contraseña nel portal https://sies.uniovi.es/paginasblancas.

• Si usté ye estudiante matriculáu na Universidá, puede solicitar una carta de credenciales nueva na alministración de dalgún Campus Universitariu. Esti trámite nun se puede facer a distancia porque ye necesario verificar la so identidá.
• Si usté ye profesor o Investigador adscritu a un departamentu, puede solicitar un cambéu de credenciales na alministración del mesmu. Esti trámite nun se puede facer a distancia porque ye necesario verificar la so identidád.
• Si usté forma parte del personal d'alministración y servicios, puede dirixise al Serviciu de Xestión de Personal y solicitar que restauren la so contraseña. Esti trámite nun se puede facer a distancia porque ye necesario verificar la so identidád.

Caducóme la cuenta corporativa

• Si recibió un avisu que diz que la so cuenta va a espirar próximamente, solamente indica-y que ye daqué qu'asocede con normalidá. Dellos tipos de cuenta tienen una caducidá determinada, colo qu'hai procesos que xestionen les baxes de les cuentes de forma automática. Estraiga tola información de la so cuenta pa evitar la perda.
• Ye importante que recuerde lo siguiente: si recibe un corréu d’esti tipu que proceda d’una fuente duldosa o tenga un aspectu estrañu, consulte la so situación col Centru d’Atención al Usuariu del Serviciu d’Informática y Comunicaciones al traviés del helpdesk . Nunca acceda a páxines web enllazaes nun corréu d’esti tipu, nin abra ficheros adxuntos. Acceda a la páxina web corporativa o a la Intranet y acceda a los servicios dende esi puntu.

Puedo entrar a tolos servicios coles mios credenciales, menos al mio corréu electrónicu

• Les cuentes de corréu actívense de forma esplícita polos usuarios dende la Intranet corporativa. Si quier activar la so cuenta, acceda a la Intranet dende'l portal de la Universidá, vaya al serviciu de Corréu Corporativu pa ver les condiciones nes que se da’l serviciu y active la so cuenta de corréu.

Necesito una cuenta de la Universidá d’Uviéu

• Si usté nu tien una cuenta corporativa, pero cree que tien derechu a ella, puede formalizar una petición col formulariu de solicitú de cuenta corporativa. La solicitú tien d’autorizase por un vicerrectoráu, centru, departamentu o serviciu de la universidá.
• La creación d’una cuenta implica la recoyida de los sos datos personales. Por ello, ha dar el so consentimientu esplícitu a la recoyida, almacenamientu y utilización de los sos datos personales nos términos y coles finalidaes que se describen nel modelu de solicitú.

Normativa de la Universidá d’Uviéu

• Política de contraseñes de la Universidá d’Uviéu
• Acuerdu de 22 d’avientu de 2015, del Conseyu de Gobiernu de la Universidá d’Uviéu, pol que s’aprueba la norma de seguridá de la información respecto a la utilización de recursos informáticos y de comunicaciones de la Universidá d’Uviéu

Formularios

• Formulariu de solicitú de cuenta corporativa​​​​​​​