Los universitarios y visitantes qu’acuden a la Universidá d’Uviéu disponen de múltiples combinaciones pa llegar a Asturies, movese pela rexón y desplazase ente campus.
La rede de tresporte públicu n’Asturies permite a los pasaxeros esfrutar d’un ampliu abanicu d’horarios y opciones pa desplazase pela rexón. El Consorciu de Trensportes d’Asturies (CTA) dispón d’un Abonu mensual CTA qu’ufierta a los menores de 31 años un descuentu pola solicitú del Abonu Mozu. El descuentu ye acumulativu al de familia numberosa. Otra opción económica pa los desplazamientos ye’l Bonu 10 de CTA , que permite adquirir un tique de diez desplazamientos a un preciu reducíu.
Los campus universitarios cunten con una amplia rede de conexones de tresporte públicu. Los universitarios menores de 31 años disponen d’un Abonu Mozu qu’aplica un descuentu nel Abonu mensual CTA.
El serviciu Centru Bus Universidá del mencionáu consorciu comunica los campus universitarios con Uviéu, Xixón, Mieres y Avilés, efectuando paraes pa tomar y dexar viaxeros nes sos ciudades d’orixe.
Consulta horarios de les principales paraes:
- http://www.paradascentrobus.es/
- https://www.alsa.es/nuestros-destinos/universitarios
- Horarios Xixón-Mieres Mieres-Xixón
- Horarios Llanes-Uviéu Uviéu-Llanes
- Horarios Pola de Llaviana-Uviéu Uviéu-Pola de Llaviana
- Horarios Pola de Siero-Uviéu Uviéu-Pola de Siero
Apueste pol tresporte públicu
El compromisu de la Universidá d'Uviéu cola sostenibilidá y el mediu ambiente plasma nel so apueste pol tresporte públicu y una colaboración plena coles alministraciones responsables de les polítiques de movilidá. Nos últimos años tamién se promocionó l'usu de la bicicleta pa los tresllaos ente campus nuna mesma ciudá, cola instalación de aparcabicis, estaciones de carga de patinetes eléctricos y tamién l'usu del coche eléctricu.
Les comunicaciones d'Asturies col restu de la Península ufierten al viaxeru la posibilidá del avión, el tren o l'autobús. En casu de que se decante pol vehículu particular, l'accesu a la rexón puede facese per víes d'alta capacidá o carreteres de rede secundaria con estraordinarios paisaxes nel so recorríu.
Cómo llegar a Asturies
Existen distintes opciones pa llegar a Asturies dende otres comunidaes autónomes y países.
N’avión
L'Aeropuertu d'Asturies atópase en Santiagu’l Monte (Castrillón), a 45 quilómetros d'Uviéu y a 40 quilómetros de Xixón. El trayectu ente dambes ciudaes y l'aeropuertu oscila ente los 30 y los 45 minutos, en función del tráficu. Existen vuelos regulares con Madrid, Barcelona, Canaries, Baleares, Comunidad Valenciana, Murcia, Andalucía y conexones internacionales directes con delles capitales europees.
L'aeropuertu cunta con una llínea d'autobús que lu conecta con Uviéu y Xixón y con parada permanente de taxi. El teléfonu d'información de la terminal asturiana ye'l 985 12 75 00.
En tren
Hai estaciones de ferrocarril n'Uviéu, Xixón, Avilés y otres localidaes asturianes. Pa llograr información sobre recorríos, servicios, precios… puede consultase la web de la compañía ferroviaria Renfe o llamar al so teléfonu d'información xeneral 902320320. Les estaciones ferroviaries tán convenientemente conectaes con servicios d'autobuses y taxi.
N’autobús
Hai delles compañíes d'autobuses que comuniquen Asturies con ciudaes españoles, estranxeres o con otres localidaes del Principáu. Casi toles localidaes asturianes de cierta relevancia cunten con una estación d'autobuses. La empresa ALSA ye la encargada de dar el serviciu de comunicación d'Asturies cola meseta.
