Asturies ye una de les comunidaes autónomes d'España con un meyor índiz calidable de vida. Con aprosimao un millón d'habitantes, nel Principáu d'Asturies cuntamos con un patrimoniu natural, hestóricu y cultural que nos convierte en puntu de referencia para visitantes de too el mundu. N'Asturies, vas atopar un llugar sele y accesible, caracterizáu pola hospitalidá de les sos xentes y una redolada natural privilexáu. El Principáu ye una rexón pequena n'estensión, lo que te va dexar esfrutar fácilmente de la so riqueza natural mui cerca de les ciudaes. Los grandes núcleos residenciales, nos que s'alcuentren los nuesos campus –Uviéu, Xixón y Mieres-- tán allugaos nel centru de la rexón y atópense bien comunicaos en distancies que nun entepasen la media hora en coche, autobús o tren. La nuesa universidá ufierta una formación integral apinada d'esperiencies y posibilidaes. Curiamos especialmente los aspeutos complementarios a la docencia ya investigación, con especial atención a los valores solidarios, la igualdá, sostenibilidá y l'acción social, con una estimulante ufierta cultural y deportiva.