El Comité d'Ética na Investigación de la Universidá d'Uviéu ye un órganu colexáu, de calter consultivu ya interdisciplinar, creáu col envís d'evaluar los aspectos éticos de los proyectos d'investigación y les práctiques docentes con animales d'esperimentación desendolcaos na Universidá d'Uviéu, asina como responder a otru tipu de consultes rellacionaes con cuestiones étiques de la investigación, emitiendo los informes correspondientes.
La normativa reguladora de les distintes convocatories de financiación de la investigación esixe que tolos proyectos d'investigación ya innovación non solo cumplan los requisitos establecíos en cada casu pola lexislación vixente, sinón que cuenten tamién cola autorización espresa emitida pol Comité d'Ética del centru nel que se va realizar la investigación. Esta autorización tamién ye esixida por munches editoriales pa la publicación nes sos revistes de los resultaos de la investigación.
Nesti contestu, el Comité d'Ética na Investigación de la Universidá d'Uviéu asume como oxetivu afalar les bones práctiques na investigación, dende la etapa de formación, y garantizar que les investigaciones respuendan a criterios de rigor, honestidá, responsabilidá, llibertá, respetu ya igualdá, respetu al mediu ambiente, elusión de riesgos y protección de los seres vivos y n'especial de los animales emplegaos na esperimentación.
Páxina web del Comité d’Ética na Investigación de la Universidá d’Uviéu
Correu electrónicu: ceim.asturias@asturias.org
Teléfonu: 985 107927
