La Comisión Europea publicó en 2005 la Carta Europea pa Investigadores y el Códigu de Conducta pa la Contratación d'Investigadores. La Carta contién una serie de recomendaciones rellacionaes colos derechos y responsabilidaes del personal investigador, asina como de los sos empleadores y / o financiadores.
La Comisión Europea otorga la distinción d'escelencia na investigación de recursos humanos a les instituciones qu'apliquen la Estratexa de Recursos Humanos pa los Investigadores - HRS4R, reparando nes normes y directrices conteníes na Carta Europea del Investigador y el Códigu de Conducta pa la Contratación d'Investigadores. Por aciu l'aplicación de la Estratexa HRS4R, les instituciones comprométense a ufiertar condiciones de trabayu favorables, desarrollu profesional, movilidá y procesos de contratación tresparentes pa los investigadores, contribuyendo asina a la competitividá del Espaciu Européu d'Investigación (ERA) y al atractivu del sistema científicu de la UE a escala mundial. La Comisión Europea promociona les instituciones que recibieron el reconocimientu de los recursos humanos ente les organizaciones internacionales y los científicos como les qu'ufierten a los investigadores les meyores condiciones de trabayu y desarrollu.
En 2020, la Universidá d'Uviéu empezó a trabayar pa llograr el distintivu a la Escelencia n'Investigación de Recursos Humanos.
Unvióse una encuesta interna al personal investigador en tolos graos y niveles, incluíos los xestores de apoyu a la investigación, que se centra n'analizar los principios de la carta y el códigu pa los investigadores: la contratación, les condiciones de trabayu, etc. En función de los resultaos, realizóse un análisis gap. Con ello, desarrollóse un plan d'acción, enmarcando y categorizando les iniciatives esistentes de manera afayadiza adecuadamente.
La Universidá d'Uviéu ta decidida a siguir pel camín qu'entamó. Esmolecémonos dafechu poles carreres d'investigadores y dedicamos a escoyer la meyor persona pa cada trabayu incorporando nos nuesos procesos les práctiques de reclutamiento abiertu, tresparente y basáu nos méritos.
Más de 507 organizaciones, 108 d'elles españoles recibieron el premiu d'Escelencia n'Investigación de Recursos Humanos.
Enllaces rellacionaos
- https://euraxess.ec.europa.eu/jobs/hrs4r
- https://www.euraxess.es/spain/services/human-resources-strategy-researchers-hrs4r
Documentos rellacionaos:
Datos de contactu:
Corréu Electrónicu: HRS4R@uniovi.es
