La Universidá d'Uviéu tien un compromisu cola investigación d'excelencia y apuesta por un plan propiu d'ayudes a la investigación que complementa al restu de programes de beques y ayudes nacionales y rexonales.
El programa de la Universidá d'Uviéu pa sofitar a los sos científicos toma distintos aspectos de la investigación y ocúpase de garantizar a los nuevos talentos una oportunidá de llevar los sos proyectos alantre al traviés de la financiación de másteres, desarrollo de tesis doctorales o la puesta en marcha de nuevos proyectos d'investigación.
La Universidá d'Uviéu cuenta con un programa d'ayudes propiu pa los sos investigadores que sofita los nuevos talentos y sofita la busca de nuevos proyectos internacionales y el contactu coles empreses
Les ayudes de la Universidá d'Uviéu tamién sofita los grupos d’investigación a la d’aviar les sos propuestes pa nuevos proyectos europeos, entamar el contactu coles empreses o publicar los sos resultaos d'investigación.
La internacionalización y la captación del talentu fuera de les nueses fronteres son otros de los exes estratéxicos establecíos. Darréu, detállense dalgunes de les principales llinies d'actuación del programa propiu d'ayudes de la Universidá.
- Beques de retención de talentos xóvenes pa realizar estudios de máster universitariu
- Ayudes a la realización de Tesis Doctorales
- Organización de les Xornaes Doctorales de la Universidá d’Uviéu
- Ayudes a la incorporación temporal d’investigadores d’excelencia
- Ayudes de movilidá d’excelencia pa investigadores de la Universidá d’Uviéu
- Ayudes a proyectos d’investigación propuestos por equipos emerxentes
- Ayudes al avíu de propuestes de proyectos d'investigación pa presentar
- Ayudes a les distintes convocatories del Programa #Horizonte Europa de la Unión Europea
- Ayudes a la publicación de resultaos d'investigación.
- Ayudes a la organización de xuntes sectoriales universidá/empresa
Los investigadores interesaos en consultar les últimes convocatories del programa d’ayudes pueden facelo na Intranet d’Uniovi
