Una vez almitíos en cualesquier de los programes d'estudios ya investigación de la Universidá d'Uviéu, los estudiantes estranxeros pueden completar una serie de trámites alministrativos que van facilitar la so llegada a España.
La Oficina d'Atención Internacional de la Universidá ye'l puntu de referencia pa que toos los alumnos estranxeros topen la información que precisen. El personal de la oficina ayudará a los estudiantes a realizar tolos trámites pa llegalizar la so residencia, atopar agospiu, acceder a l'asistencia sanitaria mientres la so estancia n'España y tamién formalizar la so matrícula na Universidá d'Uviéu.
La Oficina d'Atención Internacional ye'l puntu de referencia pa que los alumnos estranxeros llogren tola información sobre trámites llegales, opciones d'agospiu o l'accesu a l'asistencia médica
Amás, los estudiantes que deseen pueden contar cola guía y el sofitu específicu d'un alumnu de la Universidá d'Uviéu que los acompañe y oriente nes sos primeres selmanes n'Asturies. Pa contar con esta ayuda tendrán d'inscribise antes de viaxar nel programa a-dUO.
Aquellos estudiantes que tengan alguna necesidá especial pueden dirixise antes de la so llegada a la Oficina d'Atención a les Persones con Necesidaes Específiques (ONEO), onde-yos facilitarán tola información y orientación necesaries.
Inscripciones y documentación necesaria
Solicitú
Les universidaes estranxeres pa realizar la inscripción y el rexistru de los alumnos entrantes tienen qu'utilizar el siguiente enllace web: http://sies.uniovi.es/pae. Nun se van aceptar inscripciones al marxe de la plataforma online. Nin fora de los plazos establecíos.
Plazos de nominación:
- Primer semestre y cursu completu: del 1 de marzu al 30 de mayu
- Segundu semestre: del 1 de setiembre al 30 de payares
OFICINA D’ATENCIÓN INTERNACIONAL: inter.incoming@uniovi.es
Documentos rellacionaos
