L'aprendizaxe de llingües en tándem plantega que dos falantes de distintes llingües maternes collaboren pa meyorar los conocimientos de les respectives llingües y cultures: saber más sobre la otra persona, el so idioma y el so entornu. Nel Programa Tándem pueden participar de forma gratuita toles persones venceyaes a la Universidá d'Uviéu: estudiantes, profesores, alumnos de La Casa de les Llingües, PAS…
Los interesaos en participar nesta modalidá de formación d'idiomes solo han de rellenar el formulariu d'inscripción. El Programa Tándem cuenta con asesores llingüísticos en cada idioma que son los encargaos de realizar les pareyes y de sofitar y guiar a los estudiantes nel so aprendizaxe.
Pa llograr una certificación oficial de la participación nel Programa Tándem, l'alumnu interesáu tien que practicar les llingües implicaes un mínimu de 30 hores (15 hores en cada idioma). Va tener, amás, qu'ellaborar un diariu nel qu’apaeza lo aprendío cola pareya en cada sesión y dir una vez al mes a una sesión de tutoría cola so asesora llingüística. Finalmente, va tener que presentar un curtiu informe sobre la so esperiencia nel programa. La participación nel Programa Tándem va otorgar puntos extra a aquellos alumnos qu'opten a una beca Erasmus de movilidá Internacional.
Tándem d'alemán
Al traviés del conveniu de cooperación suscritu cola Universidá del Ruhr de Bochum (Alemaña), facilítase a los alumnos y a otros miembros de la comunidá universitaria un mediu pa perfeccionar el so conocimientu del idioma alemán y la posibilidá de llograr créditos.
El Programa Tándem d'Alemán supón un mediu pa perfeccionar el conocimientu del idioma alemán, valir de motivación pa un mayor espardimientu del aprendizaxe d'esti idioma y, paralelamente, contribuir a la convivencia y al conocimientu mutuu d'estudiantes de distinta nacionalidá, too ello nel marcu del oxetivu global de dotar a la educación universitaria d'una dimensión europea.
Documentos rellacionaos:
Enlaces relacionados:
