Programes de doctoráu pal accesu a la docencia y la investigación
El títulu de doctor, que representa'l nivel más cimeru na educación superior, acredita'l más altu rangu académicu y capacita pa la docencia y la investigación, acordies cola lexislación vixente.
Los estudios de doctoráu correspuenden al tercer ciclu d'enseñanza universitaria y tienen como principal finalidá la formación avanzada nes técniques d'investigación, magar qu’a lo llargo de los estudios tamién deben realizase un conxuntu d'actividaes específiques y complementaries que-yos dexen adquirir les habilidaes y competencies necesaries pa llograr el títulu de doctor.
Los estudios de doctoráu, a tiempu completu, van tener una duración máxima de tres años, contaos dende l'almisión del doctorandu al programa hasta la presentación de la tesis doctoral. Pa los doctorandos matriculaos a tiempu parcial, estos estudios van poder tener una duración máxima de cinco años. Sicasí, nel casu de los primeros, la comisión académica del programa va poder autorizar la prórroga d'esti plazu per un añu más, qu'escepcionalmente podría ampliase per otru añu adicional, nes condiciones que s'establecieren nel correspondiente programa de doctoráu. Nel casu d'estudios a tiempu parcial, la prórroga va poder autorizase per dos años más y, coles mesmes, escepcionalmente, va poder ampliase per otru añu adicional.
La superación d'estes enseñances va dar derechu al títulu de doctor o doctora, que representa'l nivel más eleváu na educación superior, acredita'l más altu rangu académicu y faculta para la docencia y la investigación, acordies cola lexislación vixente.
La solicitú d'almisión a los programes de doctoráu va tener llugar del 1 al 15 de xunu y pa ello ye importante consultar les condiciones d'accesu y almisión de cada programa.
Datos de Contactu
Dirección Edificio Históricu. Plaza de Riego s/n 33003 - Uviéu
Teléfonu 985 10 40 76
Corréu Electrónicuseccion.doctorado@uniovi.es
Desarrollu de los estudios
Descripción
- Asignación del direutor.
- Presentación del plan d’investigación y compromisu documental de supervisión.
- Seguimientu del plan d’investigación.
- Renovación de matrícula de tutela académica.
- Incidencies (cambiu de tutor o direutor, cambio de programa de doctoráu, solicitú de baxa temporal)
Asignación del director
Nos tres meses posteriores a la formalización de la primer matrícula de tutela académica, la comisión académica del programa de doctoráu tien d'asignar al doctorando un director d'ente los profesores del programa. El direutor ye l'investigador máximu responsable na conducción del conxuntu de xeres d'investigación del doctorandu.
Presentación del plan d’investigación y compromisu documental de supervisión
Nos seis meses posteriores a la primer matrícula de tutela académica y yá col director asignáu, el doctorandu ha de presentar a la comisión académica del programa de doctoráu un plan d'Investigación nel que se describirá la investigación a desarrollar na tesis doctoral. Esti plan d'investigación contendrá, polo menos, el títulu de la tesis doctoral, la metodoloxía a utilizar y los oxetivos a algamar, asina como los medios y la planificación temporal pa llogralos.
El plan d'investigación ha de tar avaláu pol tutor y el direutor de la tesis y ha de contar col vistu bonu del direutor del departamentu al que perteneza'l direutor de la tesis, o nel casu de qu'esti nun perteneza a la universidá, del tutor.
Si la comisión académica del programa de doctoráu aprueba esti plan d'investigación, el doctorandu, xunto col direutor, el tutor y el vicerrector con competencies en doctoráu, roblará un compromisu documental de supervisión, onde se recueye'l compromisu de toos ellos pal desarrollu de la tesis doctoral.
Actividaes formatives
A lo llargo de la duración de los estudios de doctoráu los estudiantes, según el programa de doctoráu, han de realizase les actividaes formatives descrites na páxina web de cada titulación. Toes elles van formar parte del cuadernu d'actividaes del doctorandu. Nesti documentu van inscribise regularmente les actividaes que realice'l doctorandu nel contestu del programa de doctoráu, siempre acreditaes documentalmente, que va ser revisáu pol tutor y el direutor de la tesis, y evaluáu pola comisión académica del programa.
Siguimientu del plan d’investigación
El plan d'investigación va ser oxetu de siguimientu añal. Pa ello, la comisión académica del programa de doctoráu organizará un seminariu abiertu nes feches que s'afiten dende'l Centru Internacional de Posgráu. El doctorandu habrá d'esponer énte una comisión de siguimientu'l trabayu lleváu a cabu nel cursu correspondiente, y una vez escucháu'l director de la tesis, emitirá un informe cola valoración del trabayu realizáu y podrá encamentar al doctorandu actividaes de formación complementaries.
En casu d'evaluación negativa, el doctorandu tendrá de ser evaluáu de nuevu nel plazu de seis meses. Dos evaluaciones negatives consecutives supondrán la baxa del doctorandu nel programa.
Renovación de matrícula de tutela académica
La matrícula de tutela académica ha de renovase cada cursu académicu nel Centru Internacional de Posgráu, hasta la presentación de la tesis doctoral.
Incidencies
Cambiu de tutor o direutor
Si alleguen razones xustificaes, l'estudiante puede solicitar a la comisión académica del programa de doctoráu'l cambiu del tutor o del direutor que tenga asignáu. La comisión resolverá una vez escuchaes toles partes.
Cambiu de programa de doctoráu
El doctorandu va poder solicitar el cambiu del programa de doctoráu nel que ta matriculáu. Pa ello, tendrá de dirixise a la comisión de doctoráu, que resolverá una vez escuchaes les comisiones académiques de los programes implicaos.
Solicitú de baxa temporal
El doctorandu va poder solicitar la so baxa temporal nel programa de doctoráu por un periodu máximu d'un añu, ampliable hasta un añu más, y nesi casu nun va tener que formalizar la matrícula. Esta solicitú tendrá de ser razonada y dirixise a la comisión académica del programa de doctoráu, que se pronunciará sobre la procedencia d'acceder a la solicitú.
Enllaces rellacionaos:
- Accesu, matrícula y almisión
- Portal de trámites pa Doctoráu
- Más información d’interés na página web del Centru Internacional de Postgrau
- Convocatories
