La estructura orgánica de la Universidá d'Uviéu ta integrada por órganos colexaos y unipersonales de gobiernu, representación, asesoramientu y garantía. Amás de los centros, departamentos o institutos, hai unos órganos xenerales que marquen les pautes de la organización y xestión universitaria.

Dientro de los órganos xenerales de la universidá, el rector ye un cargu unipersonal qu'ostenta la representación de la institución académica y que cunta col apoyu de delegaos del rector. Como órganos unipersonales, figuren el so equipu rectoral, que lu asesora y ayuda a tomar decisiones y que ta integráu polos vicerrectoraos, la Secretaría Xeneral y la Xerencia.

Ente los órganos de gobiernu y representación, nos que participen tolos sectores de la comunidá universitaria, la institución cunta col Conseyu de Gobiernu, claustru universitariu, y Conseyu Social, onde s'atopen representaos tanto'l Gobiernu rexonal como representantes de la sociedá asturiana. Existen, amás, otra serie d'órganos colexaos d'asesoramientu y garantía, como'l Conseyu Rectoral y la Xunta Electoral Central. Y otros, comisionaos pol claustru, como la Defensoría Universitaria, encargada de velar pol respetu a los derechos y llibertaes del profesoráu, l'estudiantáu y el personal d'alministración y servicios.