El Departamentu d'Esplotación y Prospección de Mines de la Universidá d'Uviéu ocúpase de les actividaes de docencia y investigación nes árees d'Esplotación de Mines, Prospección y Investigación Minera, Inxeniería Cartográfica, Xeodésica y Fotogrametría y Proyectos d'Inxeniería. Ta formáu por un equipu humanu de más de 50 docentes, personal d'alministración y servicios y investigadores.
Ye unu de los departamentos con mayor xeneración de fondos d'investigación de la Universidá d'Uviéu, por cuenta de los numberosos contratos y convenios d'investigación firmaos con empreses y instituciones nacionales y internacionales.
La investigación que lleva a cabu'l departamentu ye eminentemente aplicada, en sectores tan diversos como la minería, la obra civil, la prospección xeolóxica de recursos, la topografía, el mediu ambiente, el control de procesos y proyectos.
El Departamentu dispón de llaboratorios y equipamientos científicos na Escuela d'Inxeniería de Mines, Enerxía y Materiales d'Uviéu, la Escuela Politécnica de Mieres y l'Escuela Politécnica de Xixón.
