La Facultá de Derechu ufierta tres títulos mui bien consideraos y que superaron toles evaluaciones de calidá a les que se sometieron, particularmente, pola Axencia Nacional d'Evaluación de la Calidá y de l’Acreditación (ANECA). Son el Grau en Derechu, la Programación conxunta (PCEO) de Grau en Derechu y Grau n'Alministración y Dirección d'Empreses y un títulu de posgráu: el Máster en Protección Xurídica de les Persones y de los Grupos Vulnerables. Caltién, tamién, una colaboración estrecha col Centru Internacional de Posgráu de la Universidá d'Uviéu y los Ilustres Colexos d'Abogaos de Xixón y Uviéu, responsables del Máster Universitariu n'Abogacía.

Esta facultá ye'l centru más antiguu de la Universidá d'Uviéu, como heredera de los estudios de Lleis, Cánones y Teoloxía, colos que la institución empezó la so andadura en 1608, nel Edificiu Históricu de la cai San Francisco. La sede actual ta nel Campus d'El Cristu. El centru cunta con 23 aules totalmente equipaes, dos sales d'informática, una sala d'estudios, una sala de vistes, un salón de graos, la nuestra Aula Magna, y les dependencies del Decanatu, xunto con distintos espacios d'ociu y descansu.