La Escuela d'Inxeniería Informática de la Universidá d'Uviéu imparte actualmente’l grau n'Inxeniería n'Informática del Software y el Máster Universitariu n'Inxeniería Web. La escuela, dende la so fundación en 1982, foi un centru de referencia nacional na formación de profesionales del sector.

Asitiada nel Campus de Los Catalanes, un escelente allugamientu de 5.000 metros cuadraos en plenu centru d'Uviéu, la escuela ta fornida con tolo necesario pa la formación n'Inxeniería Informática: 16 llaboratorios con 400 puestos informáticos individuales, 6 aules con 691 puestos, 2 aules polivalentes y un salón d'actos con 112 places.