La Biblioteca del Edificiu Históricu acoyó esta mañana la entrega de la medaya d'Asturies a la Princesa Leonor. L'actu cuntó con una nutrida presencia de la sociedá asturiana, incluyíu un grupu d'estudiantes del Principáu. La representación de la Universidá d'Uviéu tuvo encabezada pol rector Ignacio Villaverde, que tuvo acompañáu pol so equipu de gobiernu.

La princesa, qu'asocedió nel usu de la palabra a Adrián Barbón, presidente del Gobiernu rexonal, destacó na so intervención la so fuerte relación con Asturies. “La mio familia ye bien asturianona, yá m'entiende, y pudi dende bien pequeñina conocer los montes del oriente y dar paseos llargos ente aquellos carbayos y castañales que yá formen parte de la mio infancia”. 

La princesa, que tuvo una alcordanza pa la so bisagüela asturiana, estimó al Gobiernu d'Asturies la concesión de la medaya y a la ciudá d'Uviéu'l títulu d'alcaldesa honoraria. “Los recibu con respetu y cola certidume de que, como lo sintió'l mio padre fai casi 40 años, signifiquen daqué bien importante: el compromisu qu'adquiero, que m'empón y va emponeme siempres, pa ser merecedora d'estes reconocencies”.

Doña Leonor, que recordaron el so primer viaxe oficial en 2018 pa visitar a la Santina, quixo dirixir les sos palabres a tolos asturianos, de los que dixo que me regaláis el vuesu ciñu y faéisme sentir acoyida y feliz”. “Llevo a Asturies nel mio corazón. Y siempres va ser la patria quería que diz l'himnu”. La Princesa d'Asturies concluyó repitiendo'l so compromisu cola rexón. “Tengo sangre asturiano. Y eso non solo imprime calter: ye un arguyu y xuna allegría”. 

La princesa concluyó la so visita a la Universidá d'Uviéu cola so firma y dedicatoria nel llibru d'honor de la institución académica asturiana.