La comisión sectorial de Tresformamientu Dixital del Grupu 9 d'Universidaes (G-9) axuntóse esta selmana en Santander para poner de mancomún les práctiques llevaes a cabu nel so ámbitu y los desafíos tecnolóxicos futuros dientro de les universidaes miembros de l'asociación. 

La comisión foi inaugurada ayeri pol rector de la Universidá de Cantabria (UC), Ángel Pazo Carro; el rector de la Universidá Pública de Navarra (UPNA), Ramón Gonzalo García, quien tamién ye'l responsable d'esta comisión sectorial y el director d'Área de Tresformamientu Dixital de la UC, Ramón Agüeru Calvo. L'alcuentru cuntó cola presencia d'Inés Peñuelas, vicerrectora de Sostenibilidá y Digitalización de la Universidá d'Uviéu. 

Aspeutos como la ciberseguridad, cambeos de versiones nos sistemes operativos o la obsolescencia del hardware son dellos elementos “que seguro” van marcar les conversaciones na xunta de la sectorial en Santander, avanzó Ramón Agüeru na presentación. 

Ente los puntos trataos mientres estos dos díes, tuvieron el Campus Dixital Compartíu G-9, UNIDIGITAL, la Canal de denuncies antifraude, la contratación de recurso TIC, la provisión d'equipos informáticos al PDI y PTGAS, la evaluación de la seguridá informática de les universidaes del G-9 o los métodos de autenticación y xestión de credenciales n'ordenadores portátiles y de préstamu.

Dientro del grupu de trabayu de TI/Serviciu informáticos encetáronse, coles mesmes, cuestiones como los modelos nel cambéu de paradigma de docencia con ordenadores, xestión y provisión de puestos de trabayu, externalización de servicios de seguridá, modelos de gobernanza TI, accesibilidá web o la implantación de la Intelixencia Artificial (IA) en xestión, ente otros.

Según recordó'l rector de la UPNA, la sectorial de Tresformamientu Dixital ye “la sectorial más nueva del G-9” yá que foi la postrera que se creó, “pero por eso nun dexa de ser xuna de les más importantes de toes”, consideró Gonzalo García. “Somos conscientes nes universidaes de que los servicios informáticos son fundamentales por que tou funcione y, ello ye que día ente día, cada vez más. Tenemos qu'afaer les nueses estructures y, sobremanera, la nuesa forma de funcionar a la nueva alministración electrónica”, aseveró. 

Pal rector de la UC, estes xuntes son, en “la so esperiencia”, bien efectives yá que “polo xeneral compartimos munchos procesos y, siempres, l'intercambiu d'información, el discutiniu de temes, el poner de mancomún cómo caúnu ta llevando a cabu los distintos procedimientos o resolviendo problemes ye beneficiosu”. Na so opinión, el G-9 “va definiendo un hermanamiento y una coordinación importantes”.