El rector de la Universidá d'Uviéu, Ignacio Villaverde, presidió esti llunes l'actu inaugural del Campus Iberoamericanu Oríxenes. Un total de 19 mozos participen na iniciativa puesta en marcha pola Asociación Iberoamericana de la Comunicación (ASICOM), el Principáu d'Asturies y el Real Institutu d'Estudios Asturianos (RIDEA), que cunta cola collaboración de la institución académica.

El programa ta dirixíu a mozos ente 18 y 35 años procedentes de Chile, México, Santu Domingo, Cuba y Arxentina. El principal requisitu pa participar nel campus ye ser descendientes d'asturianos.

“Gustaríame que sientan la Universidá d'Uviéu como la so universidá y qu'esfruten d'Asturies como esa gran rexón d'acoyida que ye”, afirmó'l rector, Ignacio Villaverde. L'oxetivu del Campus Iberoamericanu Oríxenes ye que los y les moces participantes conozan en detalle la rexón, la so cultura y les sos costumes pa caltener vivu'l venceyu colos sos raigaños.

L'actu inaugural cuntó cola presencia, xuntu al rector de la Universidá d'Uviéu, de la vicepresidenta del Principáu d'Asturies, Gimena Llamedo; el presidente de la Xunta Xeneral, Juan Cofiño; la directora xeneral d'Emigración, Olaya Gómez Romano; la vicepresidenta de la Xunta Xeneral, Celia Fernández; la vicepresidenta de ASICOM, Laura Galguera; el director del Real Institutu d'Estudios Asturianos, Ramón Rodríguez y el director de La Nueva España, Gonzalo Martínez Peón.

Pies de foto

Fotos 1 y 2: foto de familia con los y las participantes del Campus Iberoamericano Orígenes en el Edificio Histórico de la Universidad de Oviedo.

Fotos mesa, de izquierda a derecha: El director del RIDEA, Ramón Rodríguez, el rector de la Universidad de Oviedo, Ignacio Villaverde, la vicepresidenta del Principado de Asturias, Gimena Llamedo y la vicepresidenta de ASICOM, Laura Galguera.