Un total de 1.199 estudiantes esamínense anguaño n'Asturies de la Prueba d'Evaluación de Bachilleratu para l'Accesu a la Universidá (EBAU) na so convocatoria estraordinaria, que se va desenvolver ente'l próximu llunes, 8 de xunetu, y el miércoles, 10 de xunetu. Les pruebes van llevar a cabu en 9 allugamientos, asitiaes n'Uviéu, Xixón, Avilés, Mieres, Ribesella, Cangas, L.luarca y Tapia de Casariego. 

El númberu d'estudiantes pa la convocatoria estraordinaria de la EBAU n'Asturies ye cimera al del añu pasáu, cuando s'inscribieron 1.115 persones na prueba de xunetu. Na presente edición van esaminase 669 muyeres y 530 homes partíos nes siguientes sedes:

Uviéu

Aulariu A – Campus d'Humanidaes. 
Aulariu Norte – Facultái d'Economía y Empresa.

Xixón

Edificiu Polivalente – Campus de Xixón.

Avilés

IES Ramón Menéndez Pidal.

Mieres
Campus de Mieres. IES Bernaldo de Quirós.

Oriente

IES Avelina Cerra. Ribesella.

Suroccidente

IES Cangas.

Occidente

IESMarqués de Casariego. Tapia.
IES Carmen y Severu Ochoa. L.luarca.

Los estudiantes de Bachilleratu tendrán d'esaminase de les cuatro asignatures que constitúin la fase d'accesu, cursaes en segundu de Bachilleratu según la modalidá ya itinerariu realizaos. Cada exerciciu de la fase d'accesu va calificar de 0 a 10 puntos. La calificación d'esta fase va ser la media aritmética de les calificaciones llograes en caúna de les materies, espresada nuna escala de 0 a 10 puntos con trés cifres decimales y arrondada a la milésima. Esta calificación tendrá de ser igual o superior a 4 puntos pa faer media cola calificación final del bachilleratu.

La nota de la EBAU va calcular en base a un 60% de la calificación final del Bachilleratu y un 40% de la calificación de la fase d'accesu de la prueba. va entendese qu'un estudiante axunta los requisitos d'accesu cuando la resultancia d'esta fórmula sía igual o superior a 5 puntos. La nota máxima nesta fase ye de 10 puntos.

Aquellos estudiantes que quieran xubir nota p'aportar a los sos estudios universitarios tendrán de presentase amás a la fase d'almisión. Va Consistir na evaluación de les materies d'opción del bloque d'asignatures troncales de segundu cursu de Bachilleratu. Les materies d'esta fase nun riquir ser cursaes nel Bachilleratu pa ser evaluaes na prueba y los estudiantes podrán esaminase d'un máximu de cuatro asignatures. La nota final una vegada realizaes dambes fases (accesu y almisión) va algamar un máximu de 14 puntos.

Como novedá, anguaño hai 10 asignatures nueves procedentes del Bachilleratu d'Artes y del Bachilleratu Xeneral. De resultes va realizase un exame de Dibuxu Artísticu que se va llevar a cabu nos siguientes allugamientos: Edificiu Departamental del Campus d'Humanidaes (Uviéu), Edificiu Polivalente del Campus de Viesques (Xixón), IES Ramón Menéndez Pidal (Avilés), IES Bernaldo de Quirós (Mieres), IES Avelina Cerra (Ribesella) y nel IES Carmen y Severu Ochoa (L.luarca).