La Universidá d'Uviéu presentó la segunda edición del Festival Universitariu de Música musicUO, que se va desenvolver del 12 de marzu al 11 de mayu en nueve conceyos d'Asturies. Esti ciclu, que aúna les investigaciones resultáu de l'actividá académica cola interpretación musical, pretende retomar los festivales de música que fueron emblema de la Universidá d'Uviéu nel sieglu pasáu. El programa d'esti este segundu ciclu foi avanzáu por María Pilar García Cuetos, vicerrectora d'Estensión Universitaria y Proyección Cultural.

La vicerrectora destacó qu'unu de los oxetivos fundamentales d'esti certame, siguiendo les llínees rectores del proyectu UOterritorio, ye llevar l'actividá musical de musicUO a distintos conceyos d'Asturies, más allá d'a les ciudaes onde s'alluguen los campus universitarios. Nesta edición, el Vicerrectorado d'Estensión Universitaria y Proyección Cultural, artífiz de musicUO, va collaborar colos conceyos de La Ribera, Samartín del Rei Aurelio, Valdés, Llanes, Navia, Piloña, Mieres, Cangas y Uviéu, amás de coles empreses Reny Picot y Paradores. 

María Pilar García Cuetos esplicó tamién qu'anguaño, coincidiendo cola conmemoración del centenariu del fallecimientu del rector Canella, la Universidá d'Uviéu, dientro de les distintes actividaes programaes para homenaxar al rector, tien previstu amás incluyir dos conciertos nel so honor. Van Ser interpretaos pola mezzosoprano Lola Casariego y el pianista Julio César Picos. El ciclu musicUO nesta segunda edición va dar cabida amás a la creación musical n'España dende'l barrocu al sieglu XXI y va dedicar dos de los sos conciertos a presentar tantu músiques como a compositores portugueses.

Les formaciones musicales que van participar anguaño son la Orquesta de la Universidá d'Uviéu, Forma Antiqva, Ensemble Ars Mundi, la Cátedra d'Órganu del Conservatorio Cimeru d'Uviéu, la mezzosoprano Lola Casariego xuntu al pianista Julio César Picos, el Ensemble de Camara de Lisboa (Cuartetu de la Fundación Gulbenkian) y la pianista portuguesa Marta Menezes. Les interpretaciones van tener llugar n'allugamientos como la Central Artística de Bueño, el Paraninfu del Edificiu Históricu, el Pozu Sotón, el conservatorio municipal de Valdés, l'Auditoriu Teodoro López Cuesta, el Teatru Fantasio, la Ilesia Santamaría de Villamayor, el Paséu de San Pedro en Llanes o'l Parador de Corias. 

El programa de musicUO, diseñáu pol Vicerrectorado d'Estensión Universitaria y Proyección Cultural, cuenta con Ramón Sobrín, catedráticu de Musicoloxía, como codirector del certame, y col críticu musical Cosme Marina, como director artísticu del ciclu.

El programa completu d'esti ciclu, qu'inclúi conferencies ya interpretaciones musicales, ye'l siguiente:

Martes 12 de marzu | 20:00 hores.
MARTA MENEZES
Central Artística de Bueño (CAB), La Ribera.

Miércoles 20 de marzu | 19:00 hores.
LOLA CASARIEGO Y JULIO CÉSAR PICOS (Homenaxe Añu Canella)
Paraninfu, Edificiu Históricu de la Universidá d'Uviéu.

Xueves 21 de marzu | 18:00 hores.
LOLA CASARIEGO Y JULIO CÉSAR PICOS (Homenaxe Añu Canella)
Pozu Sotón, Samartín del Rei Aurelio.

Vienres 22 de marzu | 19:00 hores.
ENSEMBLE DE CÁMARA DE LISBOA (Cuarteto Fundación Gulbenkian)
Central Artística de Bueño (CAB), La Ribera.

Martes 2 d'abril | 19:00 hores.
ENSEMBLE ARS MUNDI
Paraninfu, Edificiu Históricu de la Universidá d'Uviéu.

Miércoles 3 d'abril | 19:30 hores.
ENSEMBLE ARS MUNDI
Conservatorio Municipal Profesional de Música del Occidente d'Asturies, Valdés.

Martes 9 d'abril | 20:00 hores.
ORQUESTA DE LA UNIVERSIDÁ D'UVIÉU Auditoriu Teodoro
Cuesta, Mieres.

Xueves 25 d'abril | 19:00 hores.
CONCIERTU FORMA ANTIQVA
Teatru Fantasio, Navia.

Vienres 26 d'abril | 19:00 hores.
CONCIERTU FORMA ANTIQVA
Ilesia Santamaría de Villamayor, Piloña

Sábadu 27 d'abril | 19:00 hores.
ATAPECER NEL PASÉU DE SAN PEDRO Conciertu d'órganu.
Alumnos de la cátedra d'órganu del Conservatorio
Cimeru d'Uviéu.
Paséu de San Pedro, Llanes

Sábadu 11 de mayu | 20:00 hores.
ORQUESTA DE LA UNIVERSIDÁ D'UVIÉU Salón
Plenariu del Parador de Corias, Cangas