La comisión sectorial d'Estudiantes del Grupu 9 d'Universidaes (G-9), axuntada esti xueves y vienres en Zaragoza, so la presidencia de Juan Carlos Ayala, rector de la Universidá de La Rioxa, manifestó la so gran esmolición pola Disposición Quincuaxésima Segunda del Real Decreto-llei 2/2023, de 16 de marzu, que regula la obligatoriedá de cotizar a la Seguridá Social per parte del estudiantáu que realice práctiques esternes, tendentes al llogru del títulu n'estudios propios y oficiales. Les universidaes tienen d'aplicar, dende'l 1 de xineru del presente añu, esti Real Decretu. 

El G-9 adelantra que la nueva regulación, non consensuada coles universidaes, puede provocar la perda de numberoses práctiques por cuenta de la denuncia de los convenios de práctica per parte de distintos ministerios (Seguridá Social, Xusticia, Defensa, Interior, Consumu, entro otros) y otres alministraciones públiques centrales y autonómiques. Esto podría dar llugar al retrasu na graduación d'una parte importante del estudiantáu, señala'l G-9. 

El G-9 tamién manifiesta la so esmolición énte les implicaciones que l'aplicación del Real Decretu tien pal estudiantáu que s'atope en situaciones específiques, como'l beneficiariu de les mutualidaes xenerales del Estáu, estudiantáu en situación d'incapacidá llaboral transitoria, con permisu de maternidá o paternidá, recibiendo prestaciones, alumnáu de movilidá, etc. 

Por tollo, el G-9 fai un llamamientu a la reflexón y al diálogu coles autoridaes polítiques p'atopar soluciones xustes y efectives que nun perxudiquen al estudiantáu, nin a les instituciones educatives.

Alcuentru cola ministra de Ciencia, Innovación y Universidaes

La comisión sectorial d'Estudiantes del G-9 manifiesta la necesidá de que la ministra de Ciencia, Innovación y Universidaes, Diana Morant, conoza de primera esquito los problemes presentes y futuros que trai'l nuevu Real Decretu y que, de caltenese nestos términos, va producir un desamparu en parte del alumnáu que nun va poder realizar les práctiques.

Otros asuntos de la comisión

La comisión sectorial d'Estudiantes del G-9, a lo llargo de les sos dos xornaes de trabayu na Universidá de Zaragoza, conoció dalgunos de los proyectos de la universidá anfitriona nel campu del Estudiantáu, lleváu a cabu pol Vicerrectorado d'Estudiantes y Empléu: como l'Erasmus rural; un estudiu de Salú Mental y l'usu de les redes sociales ente l'estudiantáu de la universidá aragonesa, que va poder estendese a estudios similares n'otres universidaes del Grupu. Al pie de ellos, los integrantes de la comisión sectorial aldericaron sobro víes pa implicar a un mayor númberu d'estudiantes nes actividaes que desenvuelven les universidaes.