TotalEnergies da la bienvenida a 35 estudiantes de la Universidá d'Uviéu que van completar la so formación práctica na compañía multienergías. El programa de beques, qu'algama la so tercer edición, contempla más de 10 especialidaes, ente les que destaquen los graos d'Alministración y Dirección d'Empreses, Derechu, Economía, Contabilidá y Finances, Comerciu y Marketing, según delles inxenieríes. 

Esta tercer edición, dotada con más de 200.000€, empecipióse cola celebración d'un actu institucional d'acoyida na Aula Magna del Edificiu Históricu de la Universidá d'Uviéu, nel que tuvieron presente Alfonso López Muñiz, vicerrector d'Estudiantes de la Universidá d'Uviéu, y miembros de la dirección de TotalEnergies Eletricidá y Gas, como'l so presidente, Javier Saénz de Jubera y el so CEO, Tom Van de Cruys.  

El periodu formativu yá ta en marcha y va enllargase hasta'l próximu mes de xunetu de 2024. Mientres tou esti tiempu, los estudiantes van realizar les sos práctiques nos distintos departamentos de TotalEnergies Eletricidá y Gas n'Uviéu y van formar parte de los proyectos de tresformamientu tecnolóxicu y transición enerxética qu'impulsa la Compañía n'España.

Al pie de el tutores de los alumnos, los directivos de TotalEnergies y el Vicerrector dieron la norabona a los estudiantes becaos que van cuntar con más de 800 hores de formación remunerada n'una de les compañíes líder del sector enerxéticu a nivel global. Pa munchos d'ellos esta esperiencia supon la primer incursión nel mundu llaboral, pero dende'l primer momentu van tener la oportunidá de participar nos proyectos de cada área onde van poder apurrir les sos idees y compartir esperiencies col restu de los equipos. 

Alfonso López Muñiz destacó que les beques TotalEnergies son un “escelente exemplu” de la collaboración empresa-universidá y sorrayó que, pa los estudiantes, son amás xuna bien bona oportunidá de poner en práctica les conocencies adquiríes na institución académica y entrar en contactu col mundu de la empresa.  

Pela so parte, Javier Saénz de Jubera, presidente de TotalEnergies Eletricidá y Gas señaló que “l'apueste pol talentu nuevu ye xuna inversión clara para TotalEnergies de la que se beneficia tola sociedá. Formar, enseñar y tamién aprender de les nueves xeneraciones ye responsabilidá del texíu empresarial y xuna forma de contribuyir positivamente a impulsar a los profesionales del futuru. Son estos estudiantes los que coles sos idees y esfuerzu van averanos al oxetivu de ser neutros en carbonu en 2050”.