La Universidá d'Uviéu va tar presente na 66 edición de la Feria Internacional d'Amueses d'Asturies, que se va celebrar del 5 al 20 d'agostu. El día de la Universidá d'Uviéu na FIDMA va ser el llunes, 14 d'agostu, pero la presencia institucional na cita xixonesa va ser más amplia. 

Yá'l llunes, día 7 d'agostu, va tener llugar a les 17:30 hores xuno de los momentos yá tradicionales na Feria Internacional d'Amueses d'Asturies: l'alcuentru colos participantes del Programa Universitarios para Mayores de la Universidá d'Uviéu (PUMUO). Nesta ocasión, amás de la intervención de la vicerrectora d'Estensión Universitaria y Proyección Cultural, Pilar García Cuetos, va tener llugar un alderique con cinco participantes del programa y una de les sos profesores, moderáu pol periodista Eduardo García.

Una selmana dempués, el llunes 14, va ser el día de la Universidá d'Uviéu na Feria, que va cuntar cola presencia del rector Ignacio Villaverde. Va Ser nun actu que va tener llugar na Sla Mirador a partir de les 12:00 hores, y nel que egresados de la Universidá d'Uviéu  que desenvuelven la so vida profesional fora de la rexón van cuntar les sos esperiencies. Nesta xornada, los miembros de la comunidá universitaria -estudiantáu, personal docente ya investigador o personal d'alministración y servicios- van poder aportar a la feria de forma gratuita presentando'l so carné universitariu según el códigu QR que vas poder descargar so estes llínees.

Per otru llau, al traviés de MediaLab, el llaboratoriu universitariu de tecnoloxía y diseñu, van amosase distintes aplicaciones de la impresión 3D a quien visiten el stand institucional mientres FIDMA 2023. Los talleres son los siguientes: 

•    Proxecto Superhéroes: díes 8 y 9 pela tarde, de 17:00 a 18:00 y de 18:15 a 19:15 hores.
•    Arte ya Impresión 3D: díes 10 y 11 pela tarde, de 17:00 a 18:00 y de 18:15 a 19:15 hores.
•    Rover Asturiosity: díes 16 y 17 pela tarde, de 17:00 a 18:00 y de 18:15 a 19:15 hores.