La Universidá d'Uviéu y el Conceyu d'Uviéu anovaron el so compromisu para detectar, potenciar y visibilizar el talentu universitario.  Esti compromisu foi refrendáu güei cola firma d'un nuevu alcuerdu de collaboración suscritu ente Ignacio Villaverde, rector de la universidá asturiana, y Javier Cuesta, conceyala d'Economía y Tresformamientu Dixital del conceyu uvieín.

El conveniu inclúi, nel so plan d'execución trés llínees d'acción pal exerciciu 2023: un programa de sofitu al emprendimiento nos campus universitarios d'Uviéu, la collaboración nel Foru de Emprendimiento del Noroeste y tamién nun eventu centráu na tresferencia nel sector de la biotecnoloxía.

El rector de la Universidá d'Uviéu destacó güei que con esti conveniu la universidá y el conceyu doblen los sos esfuerzos pa fomentar el emprendimiento ente l'estudiantáu universitariu allugáu na capital del Principáu. El rector recordó qu'esta collaboración dio yá frutu n'iniciatives pasaes que son güei empreses vidables xeneradores d'empléu y riqueza.  

Les trés iniciatives que s'integren nel presente alcuerdo de collaboración son les siguientes:

Sofitu al emprendimiento nos campus d'Uviéu Esta iniciativa va tar
liderada pola Universidá d'Uviéu y el Conceyu d'Uviéu al traviés d'Uviéu Entama. Esti programa plantégase coles mires de potenciar acciones venceyaes al desenvolvimientu de competencies entamadores ente l'estudiantáu de los distintos centros y facultaes de los campus d'Uviéu, según la so interrellación col ecosistema entamador d'Uviéu. Col programa búscase fomentar les vocaciones entamadores y dexar que l'estudiantáu pueda desenvolver competencies rellacionaes col emprendimiento altamente demandaes nel mercáu llaboral. 
 
Collaboración nel Foru de Emprendimiento del Noroeste 
Tamién liderada pola Universidá d'Uviéu y el Conceyu d'Uviéu, al traviés d'Uviéu Entama, esta iniciativa va articular por mediu d'una collaboración cola Asociación pal Progresu de la Dirección (APD). L'oxetivu d'esta llínea d'acción ye conectar a les universidaes del norte d'España coles instituciones que formen l'ecosistema entamador d'Asturies, Galicia y Castiella y Llión pa potenciar la so capacidá d'innovación. La idea central ye convertir a Uviéu nun puntu d'alcuentru d'universidá y empreses para dinamizar la tresferencia de conocencia ya impulsar la innovación. Esti oxetivu va algamar por aciu un eventu que se va celebrar el 21 de xunu de 2023 nel Palaciu d'Esposiciones y Congresos d'Uviéu. 
 
Tresferencia nel sector de la biotecnoloxía 
Pa la realización d'esti eventu, entamáu pola Universidá d'Uviéu en collaboración col Conceyu d'Uviéu al traviés d'Uviéu Entama, pretende cuntase cola Asociación de Bioempresas d'Asturies, Bioasturias. Esta acción va consistir nel desenvolvimientu d'un eventu que dexe visibilizar grupos d'investigación d'altu potencial que tengan esperiencies de tresferencia nel sector de la biotecnoloxía, en distintes fases de desenvolvimientu. Con esta iniciativa, búscase visibilizar eses esperiencies p'ameyorar l'allugamientu d'Uviéu como núcleu d'innovación d'esti sector. Preténdese qu'esti intercambiu d'esperiencies sía fonte d'inspiración pal personal d'investigación que desenvuelve'l so llabor dientro d'esti campu nos distintos centros de la Universidá d'Uviéu. L'eventu va desenvolvese, en fecha entá por concretar, nel Viveru de Ciencies de la Salú d'Uviéu.