El trabayu tien importantes efectos prácticos porque estena cualquier dulda sobro la resistencia a les quemes d'esti material, lo que podría ser de gran utilidá nel mercáu estadounidense | La roxura de les quemes que se desamarren cada branu n'EEXX fixo que la so lexislación en redol a los materiales de construcción sía cada vez más restrictiva | L'estudiu, publicáu na revista ‘Construction and Building Materials’, de máximu impactu na so área de la conocencia, dexa claro que la cayuela nun reacciona al fueu
Una investigación de la Universidá d'Uviéu acaba de constatar científicamente la resistencia al fueu de la cayuela, un material usáu frecuente na construcción de viviendes. El trabayu tien importantes efectos prácticos porque estena cualquier dulda sobro la resistencia a les quemes d'esti material, lo que podría ser de gran utilidá nel mercáu estadounidense. L'estudiu foi publicáu apocayá na revista Construction and Building Materials, xuna de les más importantes de la so categoría.
Víctor Cárdenes, profesor del Departamentu de Xeoloxía de la Universidá d'Uviéu, esplica que, anque paeza de caxón, el mercáu de la piedra natural tien les sos duldes con al respective de la resistencia de la cayuela para cubiertes frente a l'acción del fueu, sobremanera, nel mercáu norteamericanu. Nesti país, la roxura de les quemes que se desamarren cada branu fixo que la lexislación en redol a los materiales de construcción sía cada vez más restrictiva. “Los estadounidenses punxeron en tela de xuiciu coses tan evidentes como la inflamabilidad de les roques naturales emplegaes en construcción”, afirma esti investigador, que robla l'artículu.
El sector de la cayuela para cubiertes, material del qu'España ye, de llueñe, el primer productor mundial, viose obligáu a xustificar la resistencia al fueu de la cayuela. “Les empreses realizaron distintos ensayos particulares que, na mayoría de los casos, nun tienen mayor fundamentu científicu qu'el d'esponer les cayueles al fueu y ver qué pasa”, apunta.
Nesti contestu, l'artículu presentáu constituyi unu aproximamientu científicu y rigorosa al problema, que dexa claru y ensin batura a duldes que la cayuela nun reacciona al fueu. “La validez del trabayu queda respondida por pol prestíu ya impactu de la revista na que ta publicáu y l'artículu ye un bon exemplu de cómo la Universidá d'Uviéu ye capaz de faer ciencia y ayudar al mundu empresarial nes dificultaes qu'encara”, conclúi.
Referencia
V. Cárdenes, A. Rubio-Ordóñez, J. García-Guinea, Fire resistance of roofing slates: Mechanical, mineralogical and aesthetic changes alongside temperature increase, Construction and Building Materials, Volume 368, 2023, 130376, ISSN 0950-0618,
https://doi.org/10.1016/j.conbuildmat.2023.130376.
(https://www.sciencedirect.com/science/article/pii/S0950061823000879)
