El 13 de marzu de 2023 tuvo llugar la xornada Bon gobiernu y prevención del fraude que, entamada pol xefe del serviciu d'Organización Alministrativa de la Universidá d'Uviéu, Antonio Arias, y la interventora de la Universidá d'Uviéu, Montserrat Yáñez, tuvo por oxetivu encetar les principales polítiques antifraude que lleven acabo les alministraciones na xestión de fondos europeos. 

Na xornada participaron Jorge Castejon, director de la Oficina Nacional d'Auditoría de la Intervención Xeneral de l'Alministración del Estáu, qu'inauguró la xornada xuntu al síndicu mayor d'Asturies, Roberto Fernández Llera y al xerente de la Universidá d'Uviéu, José Antonio, Diaz Llagu. 

Les interventoras rexonales de la Delegación de Facienda d'Asturies, María José Mora y Mª José Fernández, al pie de la técnica d'Auditoría,  Virginia Sancho, espunxeron los principales característiques d'un plan antifraude. Los sos encamientos van ser teníes en cuenta na revisión del Plan de Prevención de la Corrupción de la Universidá d'Uviéu, aprobáu n'avientu del 2021 y que tien d'actualizase mientres el semestre actual.