La Escuela Politécnica de Mieres y REMANA entamen un alcuentru sobro'l desenvolvimientu de la minería en Chile
Representantes de la compañía caltuvieron un alcuentru con estudiantáu de la Universidá d'Uviéu nel Campus de Mieres para dar a conocer les oportunidaes de desenvolvimientu profesional en Chile | El sector extractivo en Chile va tener una crecedera rápida nel curtiu y mediu plazu, debíu especialmente a la medría mundial de la demanda de cobre | L'Edificiu d'Investigación de la Politécnica acueye la xornada ‘La nueva yera de la minería', na que los exalumnos Paulino Villa y Juan Pedro Vera ufierten la so visión sobro los trabayos de minería en Chile
Representantes de REMANA caltuvieron esta mañana un alcuentru con alumnos de la Escuela Politécnica de Mieres para presentar l'actividá de la compañía a los futuros inxenieros ya inxenieres. L'oxetivu ye atraer el talentu d'aquellos comenenciudos n'empecipiar la so carrera profesional nes llínees de negociu que REMANA caltien en Chile.
Esta propuesta tuvo llugar nel marcu de la celebración de la xornada La nueva yera de la minería. La mina de Chuquicamata (Chile), desenvuelta nel Salón d'Actos del Edificiu d'Investigación del Campus de Mieres. La xornada, frutu de la collaboración ente la Escuela Politécnica de Mieres y REMANA, cuntó cola conferencia de Paulino Villa y Juan Pedro Vera, antiguos alumnos de la escuela, qu'ufiertó la so visión sobro los trabayos de minería en Chile.
Ángel Martín, director de la Escuela Politécnica de Mieres, destacó que xornaes como esta constitúin xuna "escelente oportunidá" pa poner en valor que l'actividá minera "sigui teniendo futuru".
Martín sorrayó que Chile ye güei "trubiecu de la minería" y un "bon llugar" pa empecipiar y desenvolver una carrera profesional.
David Jiménez, director del negociu de Construcción de REMANA en Chile, esplicó que l'oxetivu de la visita al Campus de Mieres ye "cuntar de primera mano a los alumnos de mines de la universidá asturiana cómo ye la esperiencia de trabayar en Chile nos proyectos que la empresa desenvuelve nel país andín". "Queremos siguir arrodiándonos de los meyores profesionales, polo que nos gustaría tar preparaos ya incorporar a los estudiantes de les meyores universidaes de la especialidá qu'ayuden a impulsar la crecedera de REMANA nel país".
REMANA caltien en Chile un porfolio de proyectos diversificáu, ente los que cabo destacar, l'Hospital de la Serena, la desaladora de Patache, el banzáu de Carén o'l proyectu Chuquicamata Soterraña. Chile ye líder mundial en producción de cobre con 5,4 millones de tonelaes y más del 30% de les reserves mundiales. La compañía, presente nel país dende fai más de 30 años, preve que'l sector extractivo en Chile tenga una crecedera rápida nel curtiu y mediu plazu, debíu especialmente a la medría mundial de la demanda de cobre.
La xornada desenvuelta esta mañana nel Campus de Mieres cuntó cola presencia d'Ángel Martín, director de la Escuela Politécnica de Mieres, y d'Ana Suárez, directora d'área d'Empleabilidá y Emprendimiento, en representación de la universidá; Aníbal Vázquez, alcalde de Mieres; y David Jiménez, director del Negociu de Construcción de REMANA en Chile, y Pablo Félix, director de Talentu y Xestión de la Conocencia na División d'Infraestructures de REMANA.
Galería d'imaxes
