Félix Barriu, director xeneral del Institutu Nacional de Ciberseguridad d'España (INCIBE), entidá dependiente del Ministeriu d'Asuntos Económicos y Tresformamientu Dixital, al traviés de la Secretaría d'Estáu de Digitalización ya Intelixencia Artificial; ya Ignacio Villaverde, rector de la Universidá d'Uviéu, roblaron esta mañana un conveniu de collaboración para promocionar la cultura de la ciberseguridad. Por aciu esti alcuerdu, va celebrase CyberCamp-Universidá d'Uviéu al traviés de la organización de distintos eventos y actividaes n'España, nel marcu de los fondos del Plan de Recuperación, Tresformamientu y Resiliencia, financiaos pola Unión Europea (Next Generation). 

 

Para ello, mientres 2023 y enllargándose hasta 2025, va impulsase'l desenvolvimientu de la conocencia y les capacidaes de les persones y organizaciones nel ámbitu de la ciberseguridad. Tou ello fadrá por aciu distintos cursos, talleres, seminarios, conferencies maxistrales y eventos rellacionaos con esta temática,  coles mires d'animar a los asistentes (públicu xeneralista y estudiantes) por qu'ameyoren les sos capacidaes en seguridá dixital, desenvuelvan el so carrera profesional o la reorienten a esti sector, amás, de conocer de primera esquito les grandes oportunidaes d'empleabilidá qu'ufierta y ameyorar les sos capacidaes en seguridá dixital.

 

Les actividaes tamién van tener como oxetivu impulsar la captación del talentu en ciberseguridad, dada l'actual escasez de profesionales nel sector a nivel mundial. L'analís de les taxonomíes de perfiles profesionales más demandaos, realizáu como parte del Analís y Diagnósticu del Talentu en Ciberseguridad n'España, ellaboráu apocayá por INCIBE, evidencia la necesidá de cubrir más de 83.000 puestos de trabayu en ciberseguridad antes de 2024.

 

L'actu de firma cuntó tamién cola presencia de la vicerrectora de Tresferencia y Relaciones cola Empresa, Begoña Cueto; el director de Tresferencia y Cátedres d'Empresa, Jorge García, y los miembros de la Comisión de Siguimientu del Conveniu: Secundino González, delegáu del rector pal Tresformamientu Dixital; Ignacio Fernández Rúa, catedráticu del departamentu de Matemátiques y Santos González, profesor eméritu de la Universidá d'Uviéu.

 

Alrodiu de CyberCamp 

CyberCamp ye l'eventu de referencia pal desenvolvimientu de la ciberseguridad y l'enfotu dixital de la ciudadanía y les entidaes, creáu por INCIBE. Dende 2014, consolidóse como una iniciativa gratuita pa tolos públicos qu'hai promovido la cultura de la ciberseguridad al traviés de distintos alcuentros. Nesta nueva etapa qu'empieza, colos eventos celebraos na UC3M y la ULPGC, CyberCamp caltien la so esencia participativa y apueste pola promoción de la cultura de la ciberseguridad y l'aumentu de les capacidaes de les persones y les organizaciones nesti sector.