Cuarenta estudiantes de la Universidá d'Uviéu van responder a los retos n'innovación plantegaos poles empreses de la Milla de la Conocencia xixonesa
Uniovi Innovation Skills ye una iniciativa, financiada pol Conceyu de Xixón y desenvuelta pola Fundación Universidad Uviéu, qu'escuerre facilitar un acercamientu del estudiantáu del Campus de Xixón al texíu empresarial de la ciudá | La nueva convocatoria para participar nel certame yá ta abierta y l'alumnáu comenenciudo n'allegar puede formalizar la so inscripción hasta'l 20 de xineru
Convertir un ascensor n'una esperiencia dixital para l'usuariu, diseñar ropa de trabayu afecha a temperatures estremes o desenvolver un robot social para responder a les necesidaes de los sos veceros potenciales pueden ser dalgunos de los retos a los que tendrán d'enfrentase los 40 estudiantes de la Universidá d'Uviéu que participen na nueva edición del proyectu Uniovi Innovation Skills. Esta iniciativa, financiada pol Conceyu de Xixón y desenvuelta pola Universidá d'Uviéu al traviés de la so Fundación, tien como oxetivu principal facilitar un acercamientu del estudiantáu del Campus de Xixón al texíu empresarial, gracies a un programa que-yos dexe aprender y familiarizase con metodoloxíes de creatividá ya innovación.
Uniovi Innovation Skills ta empobináu al estudiantáu del Campus de Xixón, a les empreses allugaes na Milla de la Conocencia de Xixón y a oficios espertos en tecnoloxía ya innovación. Más en concretu, d'ente les nueve compañíes participantes nesta nueva edición, van escoyese cuatro retos a los que tendrán de responder 40 estudiantes que van cuntar col sofitu de diez espertos en distintes árees de la conocencia, cuatro tutores y cuatro mentores.
Los nueve retos iniciales plantegaos poles empreses participantes nel programa son los siguientes:
Kaeltia Compliance Services: Loxística inversa n'envases de vidriu na Industria Agroalimentaria Asturiana.
Obrerol Monza: Propuesta de diseñu integral de la ropa profesional outdoor pa trabayar en climes templaos y temperatures estremes.
Autoridá Portuaria de Xixón: Clean Port.
EDP: Comparanza de tecnoloxíes d'almacenamientu d'enerxía de llarga duración.
Guppy: Espansión nacional y movilidá urbana sostenible.
Alisys: Diseñu de robot social optimizando tecnoloxíes al serviciu de necesidaes de la so target d'usuarios.
MBA Surgical Empowerment: Rediseñado de artroplastia total de cadril.
TK Elevator: Cómo faer que l'ascensor pase de ser xuna caxa que xuba y baxe a un serviciu dixital enfocáu na esperiencia d'usuariu.
Neoalgae: Adaptación de suplementos nutricionales naturales a la vecería y lexislación actuales.
El plazu d'inscripción pa los alumnos que deseyen participar remata'l 20 de xineru, a les 20:00 hores. Les persones comenenciudes tienen de formalizar la so candidatura al traviés del siguiente enllaz:
Galería d'imaxes
Links
