Los próximos díes 6 y 7 d'ochobre va tener llugar na Aula Magna del Edificiu Históricu la II Xunta Nacional de Profesores de Derechu Financieru y Tributariu, entamada poles profesores Manuela Fernández Junquera, Isabel García-Ovies Sarandeses y Begoña Sesma Sánchez, toes elles de la Área de Derechu Financieru y Tributariu de la Universidá d'Uviéu.

L'oxetu d'estes xornaes va ser analizar, d'una parte, el panorama de la investigación científica qu'anguaño se desenvuelve nesta disciplina nes Universidaes españoles y, d'otra, esaminar la situación actual del derechu a tutela xudicial efectiva en Derechu tributariu, daes les recién y relevantes novedaes nesti ámbitu.

Na Xunta van participar más de 60 Profesores d'esta disciplina de les universidaes españoles y van ponese de mancomún los oxetivos y resultancies de los distintos proyectos d'investigación rellacionaos con ella.

Les Xornaes van ser clausuraes pol profesor Jose Manuel Tejerizo López, catedráticu de Derechu Financieru y Tributariu de la UNED y exdirector Xeneral de Tributos del Ministeriu d'Economía y Facienda.