El Vicerrectorado d'Estudiantes y Empléu entama les xornaes "Universidá y Discapacidá. Avanzando na inclusión". En dos sesiones (díes 11 y 12 d'abril, de 16:30 a 20:00 h.), con mirar puestes na promoción de la igualdá d'oportunidaes y la plena inclusión de les persones con discapacidá na vida universitaria, van analizase diverses llínees de trabayu pa reforzar la integración y l'accesibilidá en diversos ámbitos de la sociedá asturiana.

La inauguración de les xornaes va cuntar cola presencia de Vicente Gotor, rector de la Universidá d'Uviéu, y de la conseyera de Bienestar Social y Vivienda del Principáu d'Asturies, Noemí Martín. Nes distintes sesiones de trabayu, van participar responsables d'instituciones y entidaes rellacionaes cola atención a la discapacidá, dende distintes perspectives.

La Universidá d'Uviéu procura una atención personalizada pa les necesidaes de cada estudiante, dende l'adaptación d'exames pa persones con dalgún tipu de discapacidá a problemes de dislexa, dificultá d'aprendizaxe, etc. Esiste la figura del tutor, profesores próximos a los alumnos que realicen el so siguimientu, y la figura del becariu d'acompañamientu. Los estudiantes con discapacidá suponen na Universidá d'Uviéu daqué más del unu per cientu de matricular.