El Conseyu Asesor Internacional del CEI allaba les resultancies del proyectu y reclama mecenalgu pal so desenvolvimientu
Premio Príncipe d'Asturies y Doctores Honoris Causa destaquen los llogros alcanzaos en 2010 magar los exiguos recursos asignaos al proyectu 'Ad Futurum'
Les personalidaes qu'integren el Conseyu Asesor Internacional del Campus d'Excelencia de la Universidá d'Uviéu dan bien bona nota al desenvolvimientu del proyectu asturianu. Esta mañana celebraron nel Edificiu Históricu de la Universidá una xunta na que revisaron la memoria d'actividaes del CEI en 2010 y les propuestes pal presente añu. Toos coincidieron en destacar que se desenvolvió un trabayu d'enforma méritu con unos recursos bien llindaos.
El rector de la Universidá d'Uviéu, Vicente Gotor, resumió les conclusiones del alcuentru con esa idea –la optimización de recursos- como una de les notes distintives del CEI asturianu. Les otres trés seríen la especialización, la internacionalización –al traviés de los Graos billingües- y la profesionalización de los másteres universitarios. Amás, Ad Futurum ye'l proyectu de Campus d'Excelencia Internacional que tien mayor númberu d'agregamientos d'empreses.
Precisamente a eses entidaes privaes que sofiten el proyectu fíxose-yos un llamamientu especial: "Precisamos mecenalgu", resumió'l rector. Una idea qu'aprofiaron la bioquímica y Doctora Honoris Causa pola Universidá d'Uviéu, Margarita Salas, el químicu y tamién Doctor Honoris Causa, José Elguero, y los Premiu Príncipe d'Asturies, Enrique Moreno y Pedro Miguel Echenique. La profesora Salas estima que'l proyectu precisa "una alianza ente les empreses y l'Universidá", de la que propón qu'Asturies adopte una estratexa de contratación d'investigadores similar al programa catalán ICREA. Salas apuntó tamién la necesidá d'un institutu de biomedicina y oncoloxía, y "descargar de docencia" a los investigadores que produzan más resultaos.
El catedráticu de Física Pedro Miguel Echenique coincidió nesi aspeutu de "curiar lo que se tien", referíu a investigadores d'altu nivel, de la que s'atrai'l talentu y sémase cara al futuru". El Premiu Príncipe d'Asturies d'Investigación Científica y Técnica faló sobre la gran diferencia de condiciones económiques nes que se desenvuelven proyectos análogos en Francia, Alemaña o Estaos Xuníos y abogó por aportunar na necesidá de reclamar más fondos en tolos foros.
El tamién Premiu Príncipe d'Asturies, Enrique Moreno, emponderó'l llabor del equipu rectoral pa superar la estrechura económica del proyectu y animó a la comunidá asturiana nel so conxuntu a sumase al Campus d'Excelencia. El ciruxanu aseveró que la inversión en cultura investigadora siempres ye rentable y non puede financiase solo con fondos públicos.
A lo último, el químicu y doctor Honoris Causa José Elguero foi contundente a la d'agorar qu'al traviés del CEI "esta Universidá va convertise nuna de les meyores del mundu".
El rector de la Universidá d'Uviéu, Vicente Gotor, resumió les conclusiones del alcuentru con esa idea –la optimización de recursos- como una de les notes distintives del CEI asturianu. Les otres trés seríen la especialización, la internacionalización –al traviés de los Graos billingües- y la profesionalización de los másteres universitarios. Amás, Ad Futurum ye'l proyectu de Campus d'Excelencia Internacional que tien mayor númberu d'agregamientos d'empreses.
Precisamente a eses entidaes privaes que sofiten el proyectu fíxose-yos un llamamientu especial: "Precisamos mecenalgu", resumió'l rector. Una idea qu'aprofiaron la bioquímica y Doctora Honoris Causa pola Universidá d'Uviéu, Margarita Salas, el químicu y tamién Doctor Honoris Causa, José Elguero, y los Premiu Príncipe d'Asturies, Enrique Moreno y Pedro Miguel Echenique. La profesora Salas estima que'l proyectu precisa "una alianza ente les empreses y l'Universidá", de la que propón qu'Asturies adopte una estratexa de contratación d'investigadores similar al programa catalán ICREA. Salas apuntó tamién la necesidá d'un institutu de biomedicina y oncoloxía, y "descargar de docencia" a los investigadores que produzan más resultaos.
El catedráticu de Física Pedro Miguel Echenique coincidió nesi aspeutu de "curiar lo que se tien", referíu a investigadores d'altu nivel, de la que s'atrai'l talentu y sémase cara al futuru". El Premiu Príncipe d'Asturies d'Investigación Científica y Técnica faló sobre la gran diferencia de condiciones económiques nes que se desenvuelven proyectos análogos en Francia, Alemaña o Estaos Xuníos y abogó por aportunar na necesidá de reclamar más fondos en tolos foros.
El tamién Premiu Príncipe d'Asturies, Enrique Moreno, emponderó'l llabor del equipu rectoral pa superar la estrechura económica del proyectu y animó a la comunidá asturiana nel so conxuntu a sumase al Campus d'Excelencia. El ciruxanu aseveró que la inversión en cultura investigadora siempres ye rentable y non puede financiase solo con fondos públicos.
A lo último, el químicu y doctor Honoris Causa José Elguero foi contundente a la d'agorar qu'al traviés del CEI "esta Universidá va convertise nuna de les meyores del mundu".
Galería d'imaxes
