Cinco beques de la Universidá y Cajastur pa realizar práctiques nel Bancu Interamericano de Desenvolvimientu en Washington
El periodu de práctiques va ser de seis meses, a partir de setiembre, y les solicitúes han de presentase antes del 8 de xunu.
La Universidá d'Uviéu y Cajastur abrieron el plazu de solicitú de cinco places pa desenvolver seis meses de práctiques nel Bancu Interamericano de Desenvolvimientu (BID), na so see de Washington. L'oxetivu: adquirir esperiencia na alministración y les operaciones del BID, familiarizase coles sos polítiques, normes y procedimientos en dellos departamentos (Mercáu Llaboral, Departamentu Llegal, Recursos Humanos, etc.) y pa distintos perfiles académicos (consultar los anexos de les bases axuntes).
Ye una oportunidá pa estudiantes d'últimu cursu y titulaos recién na Universidá d'Uviéu. La beca entiende billete d'avión d'ida y vuelta hasta Washington, seguro d'enfermedá y accidente n'Estaos Xuníos y una dotación de 1.650 euros mensuales pa gastos d'agospiamientu y mantención.
El periodu de duración de la beca va ser de seis meses, a partir del 1 de setiembre de 2011. Les solicitúes tienen de presentase na Fundación Universidá d'Uviéu (C/Principáu, 3, 4ª planta, Uviéu) que ye la entidá encargada de tramitar la selección y acoyida de les persones beneficiaries de les beques.
Ye una oportunidá pa estudiantes d'últimu cursu y titulaos recién na Universidá d'Uviéu. La beca entiende billete d'avión d'ida y vuelta hasta Washington, seguro d'enfermedá y accidente n'Estaos Xuníos y una dotación de 1.650 euros mensuales pa gastos d'agospiamientu y mantención.
El periodu de duración de la beca va ser de seis meses, a partir del 1 de setiembre de 2011. Les solicitúes tienen de presentase na Fundación Universidá d'Uviéu (C/Principáu, 3, 4ª planta, Uviéu) que ye la entidá encargada de tramitar la selección y acoyida de les persones beneficiaries de les beques.
Galería d'imaxes
Documents
Links
