La Universidá rinde homenaxe a Rafael Altamira, cofundador de la Estensión Universitaria
Conferencia y conciertu conmemorativos del sesaxésimu aniversariu de la muerte del xurista.
El próximu xueves, 7 d'abril, a les 19:00 hores, el Paraninfu de la Universidá d'Uviéu va ser escenariu de los actos d'homenaxe a la figura del profesor d'orixe alicantín Rafael Altamira (1866-1951), consideráu como cofundador de la Estensión Universitaria.
L'homenaxe va tar compuestu, de primeres, pola conferencia "Rafael Altamira. Historiografía y nacionalismu español", dictada por Jorge Uría, profesor de la Universidá d'Uviéu. Darréu, Ana Cristina Tolivar y Irina Palazhchendo (cantar y pianu) van ufiertar un conciertu nel que van interpretar el Preludiu op. 23, nº 2 en si bemol mayor y el Preludiu op. 23, nº 4 en re mayor, dambos de Sergei Rachmaninov.
Anguaño cumplese el 60 aniversariu del fallecimientu del profesor Altamira, amás del centenariu del so nomamientu, en 1910, como Fíu Predilectu de la so ciudá natal, Alicante. Por ello 2011 foi declaráu como Añu Internacional de Altamira.
Rafael Altamira llogró en 1897 la Cátedra d'Hestoria del Derechu Español na Universidá d'Uviéu. Siendo profesor na Universidá asturiana abogó pola educación como remediu a los males de la nación.
Suelse atribuyir l'orixe de la Estensión Universitaria uvieina al discursu del profesor Altamira lleíu na solemne apertura del cursu académicu de 1898 a 1899 publicáu col títulu de "El patriotismu y l'Universidá". Foi miembru de la primer comisión o xunta executiva de la Estensión Universitaria n'Uviéu, que preparó'l primer cuadru d'enseñances. Casi a la fin de la so etapa uvieina Altamira realizó un viaxe a América, onde llevó un mensaxe de confraternización al traviés de la collaboración científica nes árees más allegaes de la Hestoria del Derechu y la divulgación de los nuevos métodos docentes ensayaos equí.
L'homenaxe va tar compuestu, de primeres, pola conferencia "Rafael Altamira. Historiografía y nacionalismu español", dictada por Jorge Uría, profesor de la Universidá d'Uviéu. Darréu, Ana Cristina Tolivar y Irina Palazhchendo (cantar y pianu) van ufiertar un conciertu nel que van interpretar el Preludiu op. 23, nº 2 en si bemol mayor y el Preludiu op. 23, nº 4 en re mayor, dambos de Sergei Rachmaninov.
Anguaño cumplese el 60 aniversariu del fallecimientu del profesor Altamira, amás del centenariu del so nomamientu, en 1910, como Fíu Predilectu de la so ciudá natal, Alicante. Por ello 2011 foi declaráu como Añu Internacional de Altamira.
Rafael Altamira llogró en 1897 la Cátedra d'Hestoria del Derechu Español na Universidá d'Uviéu. Siendo profesor na Universidá asturiana abogó pola educación como remediu a los males de la nación.
Suelse atribuyir l'orixe de la Estensión Universitaria uvieina al discursu del profesor Altamira lleíu na solemne apertura del cursu académicu de 1898 a 1899 publicáu col títulu de "El patriotismu y l'Universidá". Foi miembru de la primer comisión o xunta executiva de la Estensión Universitaria n'Uviéu, que preparó'l primer cuadru d'enseñances. Casi a la fin de la so etapa uvieina Altamira realizó un viaxe a América, onde llevó un mensaxe de confraternización al traviés de la collaboración científica nes árees más allegaes de la Hestoria del Derechu y la divulgación de los nuevos métodos docentes ensayaos equí.
Galería d'imaxes
Links
