El rector de la Univesidad d'Uviéu, Vicente Gotor, preside'l vienres, 20 de xineru, l'Asamblea Xeneral de Rectores del Grupu 9 d'Universidaes (G-9). La xunta, que va tener llugar n'Uviéu, va abrirse cola firma del trespasu de la presidencia semestral del Grupu al propiu Gotor.

Nel orde del día figuren tamién asuntos tales como les propuestes de candidatures a director del Campus Virtual Compartíu del G-9, l'analís de coordinación de les actuaciones de Campus d'Excelencia, la cooperación universitaria al desarrollu, el balance sobre la proyección internacional del Grupu o la presentación pa la so aprobación del estáu de cuentes correspondiente a 2011. Tamién se van esaminar les acciones en desenvolvimientu de Univalue, la empresa formada pol Grupu pa facilitar la tresferencia de resultancies d'investigación universitarios a la redolada socioeconómico.

A l'Asamblea, que se va celebrar nel Edificiu Históricu de la Universidá, van asistir al pie de Gotor los rectores de les universidaes de Cantabria, Estremadura, Isles Baleares, Pais Vascu, Navarra y La Rioxa; a ellos sumaráse como invitáu Ignacio Largo Gil, director de Relaciones cola Empresa de la UPV/EHU y conseyeru Delegáu de Univalue. Nun van poder asistir los rectores de les universidaes de Zaragoza y Castiella-La Mancha.

Les Universidaes del G-9 tienen como oxetivu común promover la collaboración ente elles, tantu no que fai a les actividaes docentes ya investigadores como a les de xestión y servicios.