La Universidá d'Uviéu y Software AG van collaborar n'actividaes de formación ya investigación
La empresa alemana va poner a disposición de la institución académica los sos paquetes de proyectos coles tecnoloxíes más avanzaes.
La Universidá d'Uviéu y Software AG roblaron un conveniu de collaboración pa realizar actividaes d'investigación y formación conxuntes. La institución académica ye la primer universidá española que suscribe un alcuerdu con esta compañía alemana. La empresa va facilitar de forma gratuita les llicencies de software de los sos paquetes de proyectos destinaos a ameyorar la formación de los estudiantes por aciu les tecnoloxíes más avanzaes nel mercáu.
El rector, Vicente Gotor, y el responsable de Relaciones cola Universidá de Software AG, Jürgen Powik, presentaron l'alcuerdu que, nun primer momentu, va beneficiar a los estudiantes d'Informática, pero que se va estender a alumnos d'otres titulaciones como inxenieríes o Alministración y Dirección d'Empreses. El rector destacó la importancia d'esti tipu de ferramientes de software na alquisición de mañes que completen les conocencies del alumnu y la so formación de cara al so futuru profesional.
Jürgen Powik abogó pola collaboración estratéxica coles universidaes pa fomentar la investigación y señaló que'l programa "ta diseñáu pa crear una economía virtual nel campus y ufiertar esperiencies reales a los estudiantes. Ye una forma bien rentable de que les universidaes ufierten una esperiencia práctica a los sos estudiantes".
Pela so parte, el responsable de Software AG na zona norte d'España, Carlos Abad, indicó que l'alcuerdu va ser "beneficiosu" pa la Universidá, pola ufierta de programes de formación empuesta, y tamién pa la sociedá asturiana.
La Universidá d'Uviéu y Software AG van collaborar n'actividaes rellacionaes cola investigación y la formación desenvueltes per dambes partes, según nel espardimientu científico y tecnolóxico per parte de Software AG na comunidá universitaria. Pa Gonzalo Landaluce, vicepresidente de vientes de Software AG España, "esti alcuerdu cola Universidá d'Uviéu ye una clara amuesa del nuesu compromisu d'ufiertar a los estudiantes accesu a la meyor formación posible y a la esperiencia práctica coles tecnoloxíes más piqueres. Pa garantizar l'ésitu de les futures xeneraciones empresariales y de tecnoloxía, les empreses y universidaes tienen que trabayar conjuntamente".
El rector, Vicente Gotor, y el responsable de Relaciones cola Universidá de Software AG, Jürgen Powik, presentaron l'alcuerdu que, nun primer momentu, va beneficiar a los estudiantes d'Informática, pero que se va estender a alumnos d'otres titulaciones como inxenieríes o Alministración y Dirección d'Empreses. El rector destacó la importancia d'esti tipu de ferramientes de software na alquisición de mañes que completen les conocencies del alumnu y la so formación de cara al so futuru profesional.
Jürgen Powik abogó pola collaboración estratéxica coles universidaes pa fomentar la investigación y señaló que'l programa "ta diseñáu pa crear una economía virtual nel campus y ufiertar esperiencies reales a los estudiantes. Ye una forma bien rentable de que les universidaes ufierten una esperiencia práctica a los sos estudiantes".
Pela so parte, el responsable de Software AG na zona norte d'España, Carlos Abad, indicó que l'alcuerdu va ser "beneficiosu" pa la Universidá, pola ufierta de programes de formación empuesta, y tamién pa la sociedá asturiana.
La Universidá d'Uviéu y Software AG van collaborar n'actividaes rellacionaes cola investigación y la formación desenvueltes per dambes partes, según nel espardimientu científico y tecnolóxico per parte de Software AG na comunidá universitaria. Pa Gonzalo Landaluce, vicepresidente de vientes de Software AG España, "esti alcuerdu cola Universidá d'Uviéu ye una clara amuesa del nuesu compromisu d'ufiertar a los estudiantes accesu a la meyor formación posible y a la esperiencia práctica coles tecnoloxíes más piqueres. Pa garantizar l'ésitu de les futures xeneraciones empresariales y de tecnoloxía, les empreses y universidaes tienen que trabayar conjuntamente".
Galería d'imaxes
