L'Aula Clarín del Edificiu Históricu acoyó esta mañana una nueva edición del alcuentru añal de benficiarios del programa de beques de formación práctica nel Bancu Interamericano de Desenvolvimientu, iniciativa promovida pola Universidá d'Uviéu, al traviés de la Fundación Universidá d'Uviéu, y financiada por Cajastur.

El rector de la Universidá d'Uviéu, Vicente Gotor, recibió a los alumnos qu'en socesives promociones esfrutaron d'esta beca xuntu al director de la Obra Social de Cajastur, Carlos Siñeriz, y la vicerrectora de Internacionalización y Posgráu, Covadonga Betegón.

Los llicenciaos de la Universidá d'Uviéu que tomaron parte nel programa tomaron la palabra pa destacar la importancia de trabayar pa una institución como'l BID y vivir la esperiencia de pasar mediu añu en Washington.

Dende la so primer convocatoria nel añu 2003, fueron beneficiaries d'estes beques un total de 45 persones, quien tuvieron la oportunidá de formase personal y profesionalmente, mientres seis meses, na See Central del Bancu Interamericano de Desenvolvimientu en Washington. El porcentaxe de permanencia, tres la finalización del periodu de beca, ye cimera al 50 per cientu.