La Universidá d'Uviéu va reabrir mañana miércoles 20 de xunu la piscina cubierta del Polideportivu Universitariu del CAU tres les obres de remodelación a que foi sometida nos últimos meses.

Los horarios de la piscina van ser de 9:30 a 20:30 hores de llunes a vienres y de 9:30 a 13:30 hores los sábados. El preciu de la entrada ye d'un euru pa toos aquellos alumnos, Personal d'Alministración y Serviciu y Personal Docente ya Investigador de la Universidá d'Uviéu qu'amuesen na entrada la Tarxeta de Deportiva de la institución académica.

El Polideportivu Universitariu del CAU, allugáu nel Campus de Los Catalanes (C/Valdés Salas s/n), cuenta nes sos instalaciones con un campu de fútbol, pista, pista sintética d'atletismu, sala de fitness, sauna, cancha de tenis y pista polideportiva esterior.