Manuel Menéndez, presidente de Liberbank, va ufiertar una conferencia sobre la reforma del sistema financieru español, el vienres 2 d'avientu de 2011.
El Campus d'Excelencia Internacional de la Universidá d'Uviéu, en collaboración de la Facultá d'Economía y Empresa, entama les xornaes ‘Les reformes pendientes n'España', que se van celebrar los díes 2, 12 y 14 d'avientu de 2011, na Aula Magna d'esa Facultá. Tal que indica'l so títulu, en les xornaes van encetase y van aldericar cuestiones relatives a les reformes de caláu que, a curtiu o mediu plazu, podríen entamase en sectores españoles tan importantes como'l financieru, el llaboral o l'universitariu.
L'actu d'apertura de los alcuentros va tener llugar el vienres 2 d'avientu de 2011, a les 12:30 hores. De siguío, Manuel Menéndez, presidente de Liberbank (Cajastur, Caja Estremadura y Caja Cantabria) va ufiertar la conferencia titulada ‘Reforma del sistema financieru español'.
