La Escuela Politécnica d'Inxeniería de Xixón acoyó esta mañana la entrega de premios del certame de Diseñu y Discapacidá INVENTA 2012, na so octava edición. 20 propuestes presentaes por una trentena d'estudiantes recibieron el diploma y el premiu en metálicu patrocináu por instituciones y empreses.

El rector, Vicente Gotor, presidió la entrega de premios acompañáu pol conceyal de Promoción Económica y Empléu del Conceyu de Xixón, Fernando Couto; la concejala de Bienestar Social del Conceyu d'Avilés, Yolanda Alonso; la directora adxunta d'Accesibilidá Universal de la Fundación ONCE, María Josefa Álvarez; y el director de la Escuela, Hilario López. Toos ellos coincidieron nes sos intervenciones en destacar la necesidá d'apostar pola creatividá y la suma d'esfuerzos nestos tiempos de crisis.

El prólogu y la presentación de los inxenios que se presentaron al certame corrieron a cargu del profesor Javier Suárez Quirós, miembru del grupu d'investigación I3G de la Universidá d'Uviéu, constituyíu por profesores de la Área d'Espresión Gráfica na Inxeniería y encargáu de convocar añalmente estos premios.

L'oxetivu del certame ye encarar el diseñu de cualquier tipu d'inxeniu, orixinal ya inéditu, p'ameyorar la calidá de vida de persones con dalgún tipu de discapacidá, buscando les meyores soluciones técniques que resuelvan los distintos problemes de movilidá, accesibilidá, comunicación o ociu.

Los distintos patrocinadores del certame fixeron entrega d'un galardón a los inventores de los aparatos. El llistáu de los inxenios ya inventores premiaos anguaño nel certame Inventa ye'l que sigue:

• Rueda Estabilizadora de Motos: Pedro Cuba Rodríguez.
• TIR: Rocío Bouzas Castellano y Diego Fernández Sánchez.
• Llares accesibles: Marta Guardado Valle.
• Easy aguyeretia: Cristina Álvarez Fontán y Jennifer Calleja Sánchez.
• Termoconformado pa la ilusión: Eduardo Rodríguez Valdés.
• De 2d a 3d: Marcos Acebes Ramos.
• SWIM-DOT: Rocío Bouzas Castellano, Diego Fernández Sánchez.
• Pinza recoyedora: Félix Carujo Reguera.
• Pulsera ‘Everybody: Kamil Gluszek.
• Footbolin: Sarai Allende.
• Easyviv: Xana Toyos.
• Mesa de billar universal: Paula Cereceda, Eduardo Ávalos y Fernando Castro.
• Protector d'agua SNEILA: Gonzalo González Fernández.
• WC-Clip: Diego Valdés.
• Doctor Cheff: Jennifer Judith Calleja.
• Siempres a tiempu: Silvia Palicio y Helena Gómez.
• Siella off-road: Raquel García, Rocío García y Laura Fernández.
• Mididor paralís radial: Nuria Rodríguez y Elena Pérez.
• Helpful Hand: María Gallardo, José Jaime Padial.
• UNU al algame de más: Sandra González.

El certame Inventa cuenta col patrociniu y collaboración d'empreses ya instituciones asturianes qu'allegaron a la ceremonia d'entrega de los galardones pa reconocer el trabayu de los nuevos diseñadores. Les firmes y entidaes que collaboren con Inventa son APSA, Autoridá Portuaria de Xixón, Conceyu d'Avilés, Conceyu de Xixón, Cajastur, Centru de Estudio Arsenio Toral, COCEMFE, Colexu oficial d'Inxenieros Técnicos Industriales, Electrónica Edimar, Eolo Innova, Escuela Cimera d'Arte d'Avilés, Fundación ONCE, Fundación Prodintec, Idees en Metal, IKEA, Restorán El Palaciu, Shortes España S.A., Socinser, VIR Soluciones de cartón, Triciclo Gestión y Diseñu.