Dientro de les actividaes de la Selmana de la EPI: Inxeniería y Sociedá, el vienres 11 de marzu van llevar a cabu les correspondientes al Día de la Divulgación Tecnolóxica, con visites del alumnáu de centros de secundaria a la Escuela Politécnica d'Inxeniería de Xixón y entrega de premios del concursu "La vida con y ensin tecnoloxía".

A les 9:30 hores van llegar los alumnos y alumnes que van poder ver la esposición de los trabayos presentaos a concursu. De siguío, van asistir a una conferencia y a la entrega de premios. A lo último, van poder percorrer una amuesa d'actividaes desenvueltes nel Campus, según nos llaboratorios del centru.

Con estes actividaes, la EPI de Xixón pretende resaltar la importancia de la tecnoloxía na sociedá actual y contribuyir al so espardimientu.