La Universidá d'Uviéu acaba de poner en marcha dos nueves iniciatives qu'escuerren ameyorar la comunicación institucional, tantu interna como escontra l'esterior: una canal oficial en Twitter y un nuevu resume de medios multimedia, que recueye la información publicada sobre la institución universitaria en prensa, radio, axencies de noticies y televisión.

@uniovi_info, la canal oficial de la Universidá d'Uviéu en Twitter, ye un espaciu nel que se va publicar la información institucional que sía d'interés xeneral pa la comunidá universitaria, con especial atención al colectivu d'estudiantes. Acaldía van publicase beques, convocatories, plazos de matrícula, anuncios, actos, concursos, conferencies, presentaciones, proyectos y tou tipu d'información venceyada a la institución académica y a la so actividá.

Esta nueva canal en Twitter, xestionáu pola Oficina de Comunicación de la Universidá d'Uviéu, sumase a la presencia que yá tien la institución académica nes redes sociales al traviés de Facebook o Youtube.

Tamién como novedá, la Universidá d'Uviéu punxo en marcha un resume de medios nel que s'amuesen les informaciones sobre l'actividá de la institución académica qu'apaecen a diariu en prensa, axencies de noticies, televisión, radio y medios dixitales d'ámbitu rexonal, nacional ya internacional. L'usuariu puede consultar, digitalizadas, les páxines de los periódicos que se refieren a la Universidá, amás de grabaciones de televisión y de radio. Coles mesmes, tien a la so disposición los enllaces a les noticies apaecíes en periódicos online.