El próximu 19 d'avientu, a les 20:00 h, el Coru Universitariu de la Universidá d'Uviéu va ufiertar el so clásicu conciertu de Navidá. La Catedral d'Uviéu va emprestar el so encantu solemne como marcu pa esta actuación, que'l so programa va tar integráu por obres d'Antonio Vivaldi, más una pieza inédita del xoven compositor Guillermo Martínez.

El conciertu va tener como director al so actual titular nel Coru, Joaquín Valdeón; intervedrán como sopranos Ana Peinado y Patricia Rodríguez Rico, Christian Carlo Gil-Borreli como contratenor y Ángel Arias Caballero como baxu.

Los oríxenes del Coru Universitariu d'Uviéu remontanse a principios del sieglu XX, con una trayectoria artística ininterrumpida dende los años 60. El coru realizó xires per tol territoriu español, Francia, Portugal, Italia, EE.UU, México, Alemaña, Dinamarca o Polonia.