El Ministeriu d'Educación, Cultura y Deporte anunció que va prescindir de la convocatoria de les beques Séneca de movilidá pal próximu cursu. El programa Séneca dexaba que los alumnos con meyores espedientes pudieren completar un cursu nuna universidá d'española que nun fuera la suya.

Pela so parte la Conferencia de Rectores d'Universidaes Españoles (CRUE) anunció que va caltener el so programa de movilidá SICUE (Sistema d'Intercambiu ente Centros Universitarios Españoles) anque los alumnos que tomen parte nél nun van recibir l'ayuda de 500 euros mensuales qu'hasta agora ufiertaba'l Ministeriu al traviés de les sos beques Séneca.

La próxima selmana la Universidá d'Uviéu va abrir el plazu pa inscribise nel programa SICUE de la CRUE que dexa l'intercambiu d'alumnos ente distintos campus españoles. El plazu de presentación de solicitúes pal programa SICUE va cerrase'l próximu 22 de febreru.