La Universidá d'Uviéu abre los sos Campus Científicos de Branu
30 estudiantes de 4º d'ESO empecipien güei la primer vez d'esti programa nel que participen 1.200 mozos en 20 Campus d'Excelencia Internacional.
La Universidá d'Uviéu empecipia una nueva edición de los sos Campus Científicos de Branu, nos que, hasta'l 30 de xunetu, van participar 60 estudiantes de 4º cursu d'Educación Secundaria Obligatoria (ESO) y 1º de Bachilleratu de distintes comunidaes autónomes distribuyíos en dos veces. L'oxetivu d'esti proyectu, venceyáu a los Campus d'Excelencia Internacional (CEI), ye potenciar l'interés de los mozos pola ciencia, la tecnoloxía y l'innovación.
El rector de la Universidá d'Uviéu, Vicente Gotor, acompañáu pola directora xeneral d'Universidaes del Principáu d'Asturies, Miriam Cueto, dio la bienvenida a los estudiantes de la primer vez, 30 estudiantes d'ESO procedentes de nueve comunidad autónomes que van desenvolver les sos actividaes hasta'l 15 de xunetu. La segunda vez, pa estudiantes de 1º de Bachilleratu, va celebrar ente'l 17 y el 30 de xunetu.
Dambos coincidieron en destacar la importancia d'esta iniciativa que, según Gotor, "ufierta a los mozos la oportunidá d'averase a la investigación antes de llegar a la Universidá" y que quiciabes nel futuru "ayúdelos a escoyer la so carrera universitaria". Pela so parte, Miriam Cueto señaló que les vocaciones científiques son "pieces claves pa la sociedá" y animó a les moces a incorporase al ámbitu científicu. Nesta llínea, destacóse l'importante llabor de les muyeres investigadores, como Rosa Menéndez, investigadora del Institutu Nacional del Carbón qu'impartió la conferencia inaugural de los Campus Científicos de Branu, col títulu "Marie Curie: El legáu d'una Escelente Científica".
Los Campus Científicos de Branu son una iniciativa de la Fundación Española pa la Ciencia y la Tecnoloxía (FECYT) y el Ministeriu d'Educación, col sofitu de la Obra Social "la Caixa". Nesta segunda edición, el programa recibió más de 7.200 solicitúes pa 1.200 places nos 20 Campus d'Excelencia Internacional de les universidaes españoles. El proyectu Ad Futurum, del CEI de la Universidá d'Uviéu, foi unu de los campus más solicitaos. 3.177 mozos compitieron por una de les 60 places n'Asturies. Cada estudiante podía marcar un máximu de cinco Campus d'Excelencia, lo que significa que más del 44% de los mozos escoyeron ente les sos opciones el campus asturianu, según datos facilitaos pola FECYT. El rector espresó'l so agradecimientu a los alumnos y valoró positivamente esti datu que "motiva a siguir trabayando pa siguir ufiertando esta formación" nel futuru, concluyó.
Los mozos participantes nesta iniciativa superaron un rigorosu procesu de selección. Amás de valorar el so espediente académicu, los alumnos superaron un exame on-line sobre materies científiques y tecnoloxía. De los 1.200 escoyíos, 250 estudiantes tienen una media de 10 nel so espediente.
Los mozos van poder esfrutar 14 díes de contactu cola investigación científica al traviés de la so participación activa en proyectos especialmente diseñaos por profesores d'Universidá y d'Enseñanza Secundaria. El campus Ad Futurum cunta cola collaboración de seis profesor d'enseñanza secundaria. Cada estudiante va participar en dos de los cuatro proyectos programaos pola Universidá d'Uviéu:
Un total de 27 estudiantes asturianos superaron el procesu de selección: 14 procedentes d'ESO y 13 de bachilleratu, que se van distribuyir por 15 Campus d'Excelencia Internacional de tola xeografía española:
Dambos coincidieron en destacar la importancia d'esta iniciativa que, según Gotor, "ufierta a los mozos la oportunidá d'averase a la investigación antes de llegar a la Universidá" y que quiciabes nel futuru "ayúdelos a escoyer la so carrera universitaria". Pela so parte, Miriam Cueto señaló que les vocaciones científiques son "pieces claves pa la sociedá" y animó a les moces a incorporase al ámbitu científicu. Nesta llínea, destacóse l'importante llabor de les muyeres investigadores, como Rosa Menéndez, investigadora del Institutu Nacional del Carbón qu'impartió la conferencia inaugural de los Campus Científicos de Branu, col títulu "Marie Curie: El legáu d'una Escelente Científica".
‘Ad Futurum', un campus con alta demanda
Los Campus Científicos de Branu son una iniciativa de la Fundación Española pa la Ciencia y la Tecnoloxía (FECYT) y el Ministeriu d'Educación, col sofitu de la Obra Social "la Caixa". Nesta segunda edición, el programa recibió más de 7.200 solicitúes pa 1.200 places nos 20 Campus d'Excelencia Internacional de les universidaes españoles. El proyectu Ad Futurum, del CEI de la Universidá d'Uviéu, foi unu de los campus más solicitaos. 3.177 mozos compitieron por una de les 60 places n'Asturies. Cada estudiante podía marcar un máximu de cinco Campus d'Excelencia, lo que significa que más del 44% de los mozos escoyeron ente les sos opciones el campus asturianu, según datos facilitaos pola FECYT. El rector espresó'l so agradecimientu a los alumnos y valoró positivamente esti datu que "motiva a siguir trabayando pa siguir ufiertando esta formación" nel futuru, concluyó.
Los mozos participantes nesta iniciativa superaron un rigorosu procesu de selección. Amás de valorar el so espediente académicu, los alumnos superaron un exame on-line sobre materies científiques y tecnoloxía. De los 1.200 escoyíos, 250 estudiantes tienen una media de 10 nel so espediente.
Cuatro proyecto p'averase a la ciencia
Los mozos van poder esfrutar 14 díes de contactu cola investigación científica al traviés de la so participación activa en proyectos especialmente diseñaos por profesores d'Universidá y d'Enseñanza Secundaria. El campus Ad Futurum cunta cola collaboración de seis profesor d'enseñanza secundaria. Cada estudiante va participar en dos de los cuatro proyectos programaos pola Universidá d'Uviéu:
- L'home y la tierra: Escuela de Xeoloxía
- Bases científiques de les investigaciones criminalísticas
- La inxeniería electrónica na vida cotidiana
- El llinguaxe de les célules
Estudiantes asturianos n'otros campus
Un total de 27 estudiantes asturianos superaron el procesu de selección: 14 procedentes d'ESO y 13 de bachilleratu, que se van distribuyir por 15 Campus d'Excelencia Internacional de tola xeografía española:
- 4º d'Educación Secundaria Obligatoria: 1 Ad Futurum (Asturies); 1 Agroalimentario (Almería); 1 Barcelona Knowledge (Barcelona); 2 Carlos III (Madrid); 2 Catalunya Sud (Rovira i Virgili - Tarragona); 1 Montegancedo (Madrid); 1 Enerxía UPC (Politécnica de Catalunya); 1 UAM (Autónoma de Madrid); 2 Cantabria Campus Internacional; y 2 Euskampus (País Vascu)
- 2º de Bachilleratu: 2 Ad Futurum (Asturies); 1 Atlánticu Tricontinental (La Llaguna-Canaries); 2 Catalunya Sud (Tarragona); 1 do Mar (Vigo); 1 Enerxía UPC (Politécnica de Catalunya); 1 Mare Nostrum (Murcia); 1 Vida (Santiago de Compostela); 2 VLC (Valencia); y 2 Cantabria Campus Internacional.
Galería d'imaxes
