Entama en tres bloques que faciliten la selección de les resultancies a los usuarios.
El Centru d'Innovación de la Universidá d'Uviéu (C1NN) incorporó una meyora nes resultancies de les busques na páxina web d'Uniovi. Les resultancies apaecen agora estructuraes en tres bloques: los referíos a información institucional de calter permanente, los de noticies y los relativos a otres informaciones d'interés rellacionaes cola busca.
El primer bloque arrexunta les entraes referíes a conteníos permanentes de la web, la información institucional de la Universidá, como la relativa a los sos órganos de gobiernu y alministración, les sos facultaes, escueles, departamentos, servicios, ufierta formativa…
El segundu grupu contien toles referencies de la busca acomuñaes colos conteníos de noticies y actualidá apaecíos na web d'Uniovi.
Un postreru conxuntu engloba otres informaciones d'interés rellacionaes cola busca realizada, como son los distintos resolvimientos alministrativos, informes, alcuerdos, dictames, normatives de la institución y campañes recoyíes tamién na so web.
Con esta nueva organización pretende ameyorase la legibilidad de les resultancies de busca por que los usuarios de la web puedan atopar con más facilidá la información que precisen. En cada apartáu, el buscador va siguir ufiertando de forma automática les resultancies más relevantes, conforme a los términos introducíos.
