El billingüismu gana terrén dientro de la Universidá d'Uviéu. Los diez graos que cunten dende'l cursu pasáu con itinerarios billingües tienen anguaño un total de 437 alumnos nos sos grupos de primer y segundu cursu.

La ufierta n'itinerarios billingües amontóse esti cursu de 50 a 80 places nos graos de la Escuela Politécnica d'Inxeniería de Xixón y nos de la Facultá d'Economía y Empresa. Los alumnos matriculaos nes distintes titulaciones arrexuntaronse pa recibir la docencia n'inglés de les asignatures comunes. La distribución d'alumnos por titulaciones ye la que se detalla nel siguiente cuadru.

Escuela Politécnica d'Inxeniería de Xixón

Grau n'Inxeniería Química Industrial

8

Grau n'Inxeniería Eléctrica

10

Grau n'Inxeniería Mecánica

71

Grau n'Inxeniería Electrónica Industrial y Automática

27

Facultá d'Economía y Empresa

Grau n'Alministración y Dirección d'Empreses

88

Grau n'Economía

59

Grau en Contabilidá y Finances

5

Facultá de Comerciu

Grau en Comerciu y Marketing

90

Grau en Turismu (Facultá de Comerciu, Turismu y Ciencies Sociales "Xovellanos")

32

Escuela d'Informática d'Uviéu

Grau n'Inxeniería Informática del Software

47

TOTAL ALUMNOS N'ITINERARIOS DE GRAU BILLINGÜES

437

El Campus d'Excelencia Internacional impulsó como unu de los sos retos prioritarios la implantación del billingüismu nes aules de la institución académica asturiana. Pa ello, el CEI financió 28 cursos de capacitación llingüística pa el profesores de la Universidá d'Uviéu.

Dende abril del pasáu añu, un total de 265 docentes asistieron a los cursos entamaos dende'l CEI na Casa de les Llingües. A esta cifra hai que sumar los 106 profesores que se matricularon na convocatoria de cursos pa esta próxima seronda.

Los cursos específicos pa dar respuesta a la formación en llingües del Personal Docente ya Investigador acreditaron a 111 profesores pa exercer la docencia nos graos billingües. Estes convocatories sirvieron non yá pa otorgar la capacitación llingüística a los profesores que lu riquen, sinón tamién p'ameyorar la formación y mañes d'aquellos docentes que yá cuntaben col nivel d'inglés esixíu pa dar clase nos itinerarios billingües.

Nel casu de los alumnos, el Campus d'Excelencia Internacional vieno entamando Curso Cero que-yos dexen adquirir soltura y ameyorar les sos mañes llingüístiques antes d'empezar les clases nes sos escueles y facultaes. Un total de 317 estudiantes beneficiáronse d'esta iniciativa nos nueve cursos programaos. D'ellos 187 allegaron a clase nesti mes de setiembre y el restu aprovecharon la convocatoria del pasáu cursu.