El vienres, 18 de marzu, a les 13:00 hores, l'Aula Magna del Edificiu Históricu de la Universidá d'Uviéu va ser l'escenariu de la entrega del Premiu Nacional d'Investigación en Medicina del Deporte, qu'estrema tres trabayos d'investigación.

"Metabolitos de plastificantes n'orina, claves pa la detección de tresfusiones" ye'l títulu del trabayu reconocíu col primer premiu, obra d'un grupu del Institutu d'Investigaciones Biomédiques del Parc de Salut MAR (Barcelona) y dellos centros universitarios alemanes. El segundu premiu recai nel estudiu "L'entrenamientu crónicu induz un perfil saludable de biomarcadores xeriátricos emerxentes en varones mayores de 65 años", realizáu pol Departamentu de Morfoloxía y Bioloxía Celular de la Facultá de Medicina de la Universidá d'Uviéu, la Conseyería de Salú del Principáu y el Serviciu de Xeriatría del Hospital Monte Naranco d'Uviéu. A lo último, el trabayu que lleva por títulu "Entrenamientu de fuerza tradicional vs entrenamientu con estimulación neuromuscular mecánica en plataforma vibratoria en neños con paralís cerebral", de la Universidá Europea de Madrid, l'Hospital Infantil Universitariu Neñu Xesús y l'Universidá Alfonso X el Sabiu, va recoyer el tercer premiu.

A partir de les 16:00 hores, nel Salón d'Actos del Centru Cultural de Cajastur (C/San Francisco, 4 d'Uviéu) ta previstu que los galardonaos impartan conferencies sobre sobre los trabayos realizaos.