La filósofa Martha Nussbaum, estremada col premiu Príncipe d'Asturies de Ciencies Sociales, visitó ayeri miércoles l'Edificiu Históricu de la Universidá d'Uviéu pa pronunciar una charra nel Paraninfu.

El Rector, Vicente Gotor, dio la bienvenida a la filósofa estadounidense, quien robló nel Llibru d'Honor de la Universidá. Antes de la conferencia y remembrando les enseñances de Aristóteles, Nussbaum percorrió'l patiu de LAUDEO acompañada de tres profesor de la Universidá d'Uviéu: Armando Menéndez Viso, Socorro Suárez Lafuente y Lucía Rodríguez Noriega Guillén.

Na so intervención, Nussbaum reivindicó la importancia de les humanidaes nos currículos d'estudiantes de ciencies aplicaes. Mientres el coloquiu, la filósofa aseguró que fomentar la imaxinación, la creatividá y el pensamientu críticu son cruciales pal desenvolvimientu, y la prueba son países como China y Singapur que sí tán enllantando agora humanidaes nes carreres de ciencies, y facer al afayar que son beneficioses pa los futuros profesionales.

"Precisamos una educación qu'esponga pa un analís críticu", dixo Nussbaum en recordando que yá Sócrates dicía que naide piensa bien por sigo solo y que Platón realzó'l valor del diálogu como métodu.

Xunta con espertos

Martha Nussbaum, Premio Príncipe d'Asturies de Ciencies Sociales, celebró esta mañana un alcuentru con profesores y espertos del ámbitu de les humanidaes y les ciencies sociales nel Centru Cultural LAUDEO (Edificiu Históricu).

Moderáu pol profesor de la Universidá d'Uviéu Armando Menéndez Viso, nel almuerzu de trabayu na Capiya Universitaria, la filósofa encetó diverses temes d'actualidá mientres más d'hora y media. Nussbaum faló del papel del Estáu nel desenvolvimientu de les capacidaes fundamentales, de los nacionalismos y abogó por un patriotismu inclusivu.

La pensadora norteamericana charró con más d'una docena d'espertos de distintos campos como l'arte, la filosofía o la economía sobre los problemes actuales de la sociedá, la enseñanza y tamién los sentimientos. Nussbaum reivindicó'l papel del arte na tresmisión d'emociones y faló de la idea de felicidá y bienestar dende les teoríes de la economía conductual.

Ente otres cuestiones, la galardonada tamién se pronunció a favor del desenvolvimientu de polítiques actives de non discriminación sexual, especialmente nel ámbitu de gais y lesbianes, que puedan tener el so reflexu lexislativu.

Actu na Facultá de Filosofía y Lletres

Esta mañana, alumnos y profesores enllenaron l'antepar de la Facultá de Filosofía y Lletres pa escuchar a Martha Nussbaum. El vicerrector d'Estensión Universitaria y Comunicación, Vicente Domínguez, y la decana de la Facultá de Filosofía y Lletres, Cristina Valdés, fueron los encargaos de recibir a la galardonada col Premiu de Ciencies Sociales.

La música foi'l primer finxu del programa cola interpretación de Non più di fiori de Mozart al cargu de María Encina Cortizo y Ramón Sobrino, profesores del Departamentu d'Hestoria del Arte y Musicoloxía.

Nussbaum visitó la retrospectiva Entrehumanos, que recueye dellos testos de filósofos españoles destacaos, a los que reconoció averase interesada pola so obra.

Sentada n'a la mesa con profesores y alumnos de la facultá, Nussbaum respondió a les sos entrugues y avanzó qu'el so próximu llibru, Political Emotions, va centrar de nuevu nes capacidaes que los seres humanos tenemos pa llograr entender a otros y cómo la educación ye un elementu fundamental pa llegar a consiguilo y algamar el bien común.

La pensadora asitió la consecución de xusticia social en tol mundu como "el gran retu de la filosofía nesti sieglu XXI" y abogó por llograr "un cambéu de pensamientu" nel qu'empecemos a creer que los ciudadanos del mundu han de tar dotaos de les diez capacidaes fundamentales pa consiguir un entendimientu y equilibriu globales.

El puntu y final a la visita de la Premiu Príncipe d'Asturies de Ciencies Sociales púnxolu el descubrimientu d'una placa conmemorativa del actu.