Publicaes les llistes d'almitíos de la 7ª axudicación de places pa estudios con llende
Los estudiantes tienen de matriculase nes titulaciones correspondientes del 13 al 18 de setiembre. El trámite hai de realizase al traviés d'Internet
La Universidá d'Uviéu fixo públiques les nueves llistes d'alumnos almitíos n'estudios de grau con llende de places, correspondientes a la 7ª axudicación. Atópense disponibles al traviés de la ferramienta de xestión académica SIES, onde los estudiantes van poder consultar la resultancia de la so solicitú y la situación (almitíos o n'espera) nes ufiertes solicitaes.
Los alumnos almitíos tienen que matriculase por Internet, ente'l vienres 13 y el miércoles 18 de setiembre, hasta les 14 hores del últimu día de plazu.
Galería d'imaxes
Links
