La Universidá d'Uviéu presentó esta mañana la programación de seronda del Centru de Servicios Universitarios d'Avilés (CSU) que, per primer vegada, va cuntar con una ufierta d'actividaes culturales mesmu tantu para la seronda como para la primavera. La nueva programación del CSU avanzóse con ocasión de la celebración n'Avilés del Conseyu Rectoral de la institución académica, qu'encetó tamién los oxetivos estratéxicos per árees para l'actual semestre. 

 

L'actu cuntó cola presencia de Mariví Monteserín, alcaldesa d'Avilés; Ignacio Villaverde, rector de la Universidá d'Uviéu; María Pilar García Cueto, vicerrectora d'Estensión Universitaria y Proyección Cultural, y Lluz Mar González Arias, directora del Centru de Servicios Universitarios d'Avilés.

 

El rector recordó qu'unu de los compromisos del equipu de gobiernu universitariu ye fomentar les relaciones de la institución académica col territoriu, d'ende la decisión de celebrar los conseyos rectorales en distintes localidaes d'Asturies. Hasta agora, tuvieron llugar en Navia, Llangréu y agora tamién n'Avilés. Villaverde, qu'estimó la collaboración de l'alcaldesa, destacó que la Universidá d'Uviéu, magar nun cuntar n'Avilés con estudios d'educación cimera, sí tien una notable presencia na ciudá. "El nuesu Centru de Servicios Universitarios ye un escelente escaparate de la universidá que queremos: una institución inxerida nel territoriu y dinamizadora del texíu social y cultural del conceyu", señaló.  

 

La vicerrectora d'Estensión Universitaria y Proyección Cultural, recordó, pela so parte, que xuno de los oxetivos que movió al llamáu Grupu d'Uviéu a crear la estensión universitaria, fai más d'un sieglu, foi abrir universidá, sacala de les sos aules y faer accesible la conocencia al conxuntu de la sociedá. "Esti propósitu del Grupu d'Uviéu sigue tando de plena actualidá. Güei, la nuesa universidá ye unu de los principales motores culturales d'Asturies", sorrayó.

 

Programación de seronda

La directora del CSU fixo fincapié nel que, per primer vegada, el centru va cuntar con una programación propia, tantu en primavera como na seronda. Va Constar de dos ciclos, denominaos (Transfer y Conversa2), y un programa tituláu Masterclass Uniovi Creativa. 

 

González Arias detalló que'l Ciclu Transfer, que yá celebró la so primer actividá, consiste n'una serie de charres y conferencies de calter divulgativu para averar les investigaciones que se lleven a cabu dende la universidá a la población xeneral. "Esti ciclu inclúi temes d'interés transgeneracional y foi diseñáu para aprovechar la xeneración de conocencia de nuesa mesma institución cola que se xenera n'otres universidaes del territoriu español y del estranxeru", indicó. Trátase, a última hora, de compartir cola sociedá conocencia piquera en diverses árees, non solo para faelo más accesible, sinón para facilitar l'alderique y caltener les conversaciones abiertes.

 

El Ciclu Conversad2 ta escurríu por que se estableza un diálogu ente dos profesionales o espertos nuna tema determinada, pero sobro unes perspectives xeneralmente bien distintes. Asina, un matemáticu y un espertu en lliteratura van poder parolar sobro la relación ente dambes disciplines, por poner un exemplu. "El propósitu de Coversa2 ye xenerar zones de contactu ente disciplines y saberes que tuvieron tradicionalmente separaos, de cutiu de manera bien radical, col fin de xenerar una conocencia más integral sobro les temátiques a aldericar", apuntó.

 

A lo último, la Masterclass Uniovi Creativa va traer al CSU d'Avilés a artistes y autores piqueros pa tener un alcuentru abiertu col públicu y xuna masterclass de creación a otru día. Nesti últimu casu, les places van ser llindaes y tendrán de cubrir por orde estrictu d'inscripción.  "La Universidá d'Uviéu va empecipiar d'esta miente n'Avilés xuna formación na creación artística, daqué que na universidá española polo xeneral entá tien de reforzase", esclarió la directora del CSU. El programa va ser inauguráu pola escritora Bárbara Blasco (Valencia 2020), ganadora del Premiu Tusquets 2020 pola so novela Dicen los síntomes. 

 

Na programación tuviéronse en cuenta feches relevantes como la Selmana de la Ciencia, Halloween, o'l centenariu de la publicación del Ulises de James Joyce, talmente que dichos afitaos queden reflexaos nos conteníos. Amás, el CSU d'Avilés cunta con pequenos espacios (como l'escaparate de la C/ Ferrería) que dende la dirección van aprovechar con fines artísticos y onde van tener llugar pequenes esposiciones, instalaciones y vídeu-arte a lo llargo del añu.